सालोरी येथे युवकाची दगडाने ठेचून हत्या..

होमेश वरभे ( वरोरा ) - तालुक्यातील शेगाव पोलीस स्टेशन हद्दीत येणाऱ्या सालोरी या गावात काल दिनांक 15 जुलै रोजी रात्रीच्या सुमारास अमोल रामदास दडमल वय - 32 वर्ष या युवकाची दगडाने ठेचून हत्या करण्यात आली . पोलिसांना 24 तास लोटूनही अध्यपही आरोपीचा सुगावा लागला नाही .

सविस्तर असे कि मृतक अमोल रामदास दडमल हा रात्री 11 वाजताच्या सुमारास घरुन बाहेर गेला असता सकाळी 6 वाजताच्या दरम्यान अमोल च्या घरापासून हाकेच्या अंतरावर अमोल चे मृत शरीर पडून असलेले दिसून आले , अमोल च्या डोक्यावर दगडाने मारलेल्या खुणा प्राथमिक रित्या दिसून आल्या अमोल हा आपल्या आई सोबत मामा च्या गावी सालोरी येथे जवळपास 10 वर्षा पासून राहत असल्याचे गावातील नागरिकांनी सांगितले .
 मृतक अमोल याची मूळ वस्ती मानोरा दादापुर (शेगाव) येथील असून कामाच्या शोधत सालोरी येथे मामा रामदास शेरकुरे यांच्या कडे राहावयास आला . अमोल यास दारू चे व्यसन असून जिल्ह्यातील दारू बंधीच्या काळात अमोल हा दारू विक्रीचा व्यवसायही करीत असल्याचे नागरिकांनी सांगितले . अमोल याची हत्या नेमके कोणत्या कारणा मुळे झाली हे अध्यपही समजू शकले नाही अमोल ला मारणार मारेकरी कोण आहे , अमोल चे कोना सोबत जुना वाद तर नसावा , दारू विक्रीच्या धंद्यातून अमोल ची हत्या तर झाली  नसावी ना असा कयास बांधल्या जात आहे .

अमोल याचा मृतदेह शवविच्छेदन साठी उपजिल्हा रुग्णालय वरोरा येथे आणण्यात आला , अमोल चा मृत्यू नेमका कशा मुळे झाला हे शवविच्छेदन नंतर स्पस्ट होईल असे पोलीस अधिकारी यानी सांगितले . पोलीसांना मारेकरी यांचा अध्यपही शोध लागला नसून शेगाव पोलीस या घटनेचा तपास तपास करीत आहे .