कर्जाला कंटाळून युवा शेतकर्‍याची आत्महत्या

कुटुंबातील करता व्यक्ती गेल्याने दुःखाचा डोंगर  :

संजय लोखंडे (सु.विरूर) भारतीय वार्ता प्रतिनिधी:  राजुरा तालुक्यात शेतकरी आत्महत्येचे सत्र अजुनही सुरूच असुन नुकतीच  तालुका महसूल विभागापासून  25 किमी असलेल्या विरुर स्टे. येथिल एका युवा शेतकऱ्याने गळफास लाऊन आत्महत्या केल्याची घटना उघडकीस आली आहे.
ह्या वर्षी कोरोना मुळे झालेली टाळेबंदी, सततची नापिकी, निसर्गाचा लहरीपणा आणि त्यातच डोक्यावर असलेल्या कर्जाला कंटाळून गुलाब नथ्थुजी गोहणे वय 40 वर्ष ह्या युवा शेतकऱ्याने आपल्याच शेतात असलेल्या सागाच्या झाडाला दोर बांधून गळफास लावून आत्महत्या केली. त्याच्या पश्चात आई, वडील, पत्नी, दोन मुलं आहेत.