वरोरा रोडवरील संविधान चौकात भिषण अपघातात तरूण ठार.

वणी:- ट्रकने दुचाकी वाहनाला जोरदार धडक दिल्याने दुचाकीस्वार जागीच ठार झाल्याची घटना आज दिनांक ५ फेब्रुवारी रोजी सकाळी १०:३० वाजता चे सुमारास घडली.  गणेश हरीचंद्र बदकी (२९) वर्ष असे अपघातात ठार झालेल्या तरूणाचे नाव आहे.

प्राप्त माहितीनुसार  गणेश बदकी हा मारेगाव येथील रहिवासी असून तो काही कामानिमित्त त्याच्या मोटरसायकल एम.२९ ए.बी. १५६३ ने चंद्रपूर येथे गेला होता.आज सकाळी चंद्रपूर येथून परत येत असताना वरोरा मार्गावरील संविधान चौकात सी.जी.०४ पी.एच.०५२० या ट्रकने दुचाकीला जोरदार धडक दिल्याने दुचाकीस्वार तरूण जागीच ठार झाला. अपघात घडताच ट्रक चालकाने अपघात ग्रस्त ट्रक घेऊन वणी पोलिस स्टेशन मध्ये स्वताहून हजर झाला.

अपघाताची माहिती मिळताच वणी पोलिस तात्काळ घटनास्थळी दाखल होऊन पंचनामा करून मृतदेह शवविच्छेदना करिता ग्रामीण रुग्णालयात दाखल केला. घटनेचा प्राथमीक तपास  जमादार संतोष आढाव करीत आहे.