वणी येथे धाडसी घरफोडी, सोन्या चांदीचे दागीने व रोख रक्कमे सह १५ लाखाचा ऐवज लंपास.

वणी:- शहरातील साधनकरवाडी येथे जबरी घरफोडी झाल्याची घटना सोमवारी ३ फेब्रुवारी रोजी सकाळी उघडकीस आली. यात सोन्या चांदीच्या दागिन्यासह रोख रक्कम असा लाखोंचा ऐवज चोरट्यांनी लंपास केला.

वणी शहरातील ही सर्वात मोठी घरफोडीची घटना असल्याचे बोलले जात आहे.

प्राप्त माहितीनुसार साधनकरवाडी येथे वास्तव्यास असलेले प्रदीप चिंडालिया हे सहकुटुंब २५ जानेवारीला बाहेर गावाला गेले  असता त्यांचे  घर बंद असल्याची संधी साधून चोरट्यांनी सोन्या चांदीच्या दागिन्यासह रोख रक्कम  २ लाख व १२,८० हजार ५०० रुपयेचे सोन्या चांदीचे दागिने असा १४ लाख ८० हजार ५०० रूपयाचा मुद्देमाल लंपास केला. नुकतेच रुजू झालेले ठाणेदार गोपाल उंबरकर यांच्यासमोर चोरट्यांना पकडण्याचे आव्हान उभे झाले आहे.

३ फेब्रुवारी रोजी सकाळी  घर सफाई करण्यासाठी महिला आली असता तीला स्वयंपाक खोलीचे दार उघडे दिसले त्यामुळे तीला चोरी झाल्याचा संशय आल्याने तीने घरमालक प्रदिप चिंडालीया यांना घटनेची माहिती दिली. घटनेची माहिती मिळतात प्रदीप चिंडालिया यांचा मुलगा अक्षय हा नागपूर वरून वणीला दाखल झाला. त्याने घराची पाहणी केली असता चोरट्यांनी समोरच्या दाराची कडी कापुन घरामध्ये प्रवेश केला. आलमारी मधिल सोन्या चांदीच्या दागीन्यासह रोख रक्कम  चोरट्यांनी लंपास केली. अक्षय यांनी  चोरीच्या घटनेची माहिती वणी पोलिसांना दिली. यवतमाळ येथील ठसे तज्ज्ञ व डॉग पथक दाखल होऊन तपास सुरू केला.

चोरट्यांनी चोरी करून घराच्या मागील दाराने पळ काढला.

घरफोडीचा तपास वणी पोलिस करीत आहेत.