वणी शिवसेना शहरप्रमुख ललित लांजेवार यांचे हृदय विकाराने निधन.

वणी. शिवसेना शहरप्रमुख ललित लांजेवार (45) यांचे हृदय विकाराच्या धक्याने अकस्मात निधन झाले. विद्यार्थीदशे पासून त्यांना सामाजिक व राजकीय क्षेत्रात काम करण्याची आवड होती. त्यांचा राजकीय प्रवास विश्व हिंदू परिषद,बजरंग दल,शिवसेना या राजकीय व सामाजिक क्षेत्रात त्यांनी लोकाभिमुख काम केले सद्या ते शिवसेना (शिंदे गट) वणी शहर प्रमुख पदावर होते. बुधवारी रात्री 10 वाजता दरम्यान सूर्योदय चौक येथील राहते घरी त्यांना हार्ट अटॅकचा झटका आला. त्यांना लगेच येथिल एका खासगी रुग्णालयात दाखल करण्यात आले. मात्र डॉक्टरांनी त्यांना तपासून मृत घोषित केले. ललित यांच्या मृत्यूची माहिती शहरात वाऱ्यासारखी पसरताच त्यांच्या कुटुंबीय व मित्र परिवाराने दवाखान्यात एकच गर्दी केली होती.

ललित यांच्या मागे पत्नी, एक मुलगा, एक मुलगी आहे. अत्यंत मनमिळाऊ स्वभावाचे ललित यांच्या अचानक एक्झीटमुळे मित्र परिवार शोकमग्न झाले आहे.

आज गुरुवारी ३० जानेवारी रोजी दुपारी २ वाजता त्यांचे रहाते घरून अंत्ययात्रा काढण्यात येणार आहे.