प्रेस वेलफेअरचा करंडक सलग तिसऱ्यांदा स्वर्णलीलाकडे.

वणी:- प्रेस वेल‌फेअर असोशिएशन द्वारा आयोजीत आंतर शालेय समुह नृत्य स्पर्धेचा करंडक यावर्षी स्वर्णलीला इंटरनैशनल स्कुलने पटकाविला. सलग तीसऱ्या वर्षी स्वर्णलीला स्कूलने ही कामगीरी केली.

प्रेस वेलफेअर असोशिएशन प्रजासत्ताक दिनाचे दिवशी दरवर्षी ही स्पर्धा आयोजीत करते. शिक्षण प्रसारक मंडळ विद्यालयाच्या प्रांगणात आयोजित या स्पर्धेत १९ शाळांच्या चमुंनी बहारदार नृत्य सादर केली. स्पर्धेचे उद्‌घाटन माजी आमदार संजीव रेडी बोदकुरवार यांचे उपस्थितीत, उपविभागीय पोलीस अधिकारी गणेश कींद्रे यांनी केले.  प्रास्ताविक प्रेस वेलफेअरचे अध्यक्ष रवि बेलुरकर यांनी केले. संचालन गजानन कासावार यांनी केले.पूर्व माध्यमिक गटात प्रथम क्रमांक विवेकानंद विद्यालयाने, द्वितीय क्रमांक शिक्षण प्रसारक मंडळ विद्यालयाने ,तृतीय क्रमांक वणी पब्लीक स्कुलने, तर प्रोत्साहनपर बक्षिस स्वर्णलीला इंटरनैशनल स्कूलने मिळविले. माध्यमिक गटात प्रथम क्रमाक स्वर्णलीला इंटरनॅशनल स्कूलने, द्वितीय क्रमांक आदर्श हायस्कुलने, तृतीय क्रमांक शिक्षण प्रसारक मंडळ विद्यालयाने, तर जनता हायस्कुलने प्रोत्साहनपर बक्षीस पटकाविले. दिव्यांग गटात रामदेवबाबा मुक बधिर विद्यालय व अपंग निवासी शाळा वागदरा या शाळांच्या विद्यार्थ्यांनी न्रुत्य सादर कले.स्पर्धेदरम्यान  संजय खाडे, किरण दिकुंडवार ,संजय निमकर, ठाणेदार अनिल बेहराणी, आशिष खुलसंगे, शोभना मॅडम यांचा प्रेस वेल्फेअरतर्फे सत्कार करण्यात आला. कार्यक्रमाला भेट देऊन खासदार प्रतिभा धानोरकर यांनी

मार्गदर्शन केले. आमदार संजय देरकर,शिक्षणप्रसारक मंडळाचे सहसचिव अशोक सोनटक्के यांचे हस्ते बक्षिस विवरण पार पडले. स्पर्धेचे परीक्षण प्राचार्य हेमंत चौधरी व  नृत्य दिग्दर्शिका कशिश पुण्यानी यांनी केले. स्पर्धेच्या यशस्वितेसाठी सचिव तुषार अतकरे, अनिल बिलोरीया, रमेश तांबे, विनोद ताजने,सुनील पाटील, रज्जाक पठाण, जीतेन्द्र डाबरे, मंगल तेलंग, सागर बोढे,जितेंद्र कोठारी महादेव दोडके यांनी परीश्रम घेतले.