मार्कंडेय पोदार लर्न स्कुल,वणी येथे प्रजासत्ताक दिन साजरा.

वणी:- मार्कंडेय पोदार लर्न स्कुल वणी येथे ७६ वा प्रजासत्ताक दिन मोठ्या उत्साहात साजरा करण्यात आला. प्रमुख पाहुणे शाळेचे अध्यक्ष रमेश सुंकुरवार यांच्या हस्ते ध्वजारोहण करण्यात आले. यावेळी उपस्थित सर्वांनी राष्ट्रगीत गाईले. यामध्ये मार्च पास्टचे प्रात्यक्षिक आणि स्केटिंग हे लक्षवेधी कामगिरी होती. सांस्कृतिक कार्यक्रमांची सुरूवात  एल केजी च्या मुलांनी सादर केलेल्या देशभक्ती पर गीतांनी झाली.त्यानंतर ४ते८ वीच्या विद्यार्थ्यांनी मंत्रमुग्ध करणारी नृत्ये,युकेजीच्या मुलांनी भावपूर्ण देशभक्ती पर गीते, तसेच नर्सरीतील बिरा चावले,हिचे भाषण आणि इय्यता  ८ विच्या विद्यार्थ्यांनी नाट्यछटा सादर केली.

अध्यक्षीय भाषणात रमेश सुंकुरवार यांनी विद्यार्थ्यांचे अभिनंदन केले.यावेळी शाळेचे सचिव राहुल सुंकुरवार, सदस्य विश्वस्त प्राची सुंकूरवार, मुख्याध्यापक भूषण अलोणे उपस्थित होते.इय्यता ६ वी मधिल सौम्या कश्यप आणि इय्यता ५ मधिल हर्षल पाडवी यांनी सुत्रसंचलन केले, तर इय्यता ४ थीच्या मिहीका मुथा यांनी आभारप्रदर्शन केले.

कार्यक्रम यशस्वीतेसाठी शाळेतील शिक्षक व शिक्षकेत्तर कर्मचारी यांनी अथक परिश्रम घेतले.