मुंगोली येथील नागरिकांना पुनर्वसण ठिकाणी प्लॉट वाटप करा, विजय पिदुरकर यांची मागणी.

वणी:- तालुक्यातील मुंगोली गावातील सर्व जमीन वेकोलीने अधिग्रहण केली. जमिनीसह गावाचे पुनर्वसन करणे हे विकोलीच्या प्रस्तावात होते. यामध्ये जमीन अधिग्रहण उत्खनन व उत्पादन चालू केले परंतु खान क्षेत्रात येणाऱ्या हिंगोली गावातील नागरिकांना मागील एक वर्षापासून शिंदोला आबाई फाटा या राज्य मार्गावरील प्रस्तावित पुनर्वसन ठिकाणी मूलभूत सुविधा निर्माण करण्यास दिरंगाई होत असल्याने माजी जिल्हा परिषद सदस्य विजय पिदुरकर यांनी २२ जानेवारी रोजी उपविभागीय अधिकारी वणी यांना याबाबत निवेदन दिले.

निवेदनात म्हटले आहे की, मुंगोली हे गाव विकोली वणी एरिया मार्फत पुनर्वसन प्रक्रियेत असल्यामुळे गावातील गरजू, गरीब, दारिद्र रेषेखालील एसी, एसटी, ओबीसी, व इतर यांना मिळणाऱ्या हक्काच्या घरकुल योजनेत लाभास पात्र लाभार्थ्यांना पुनर्वसन ठिकाणी लेआउट टाकून एक वर्षाचा कालावधी लोटूनही पुनर्वसन ठिकाणी येणाऱ्या नागरिकांना प्लॉट वाटप करून वेकोलीने नागरिकांना मालकी हक्क देणे गरजेचे आहे. परंतु अजूनही दिले नाही. महाप्रबंधक वणी क्षेत्र यांच्याशी १९जानेवारी २०२५ रोजी चर्चा करण्यात आली तेंव्हा त्यांनी आश्वासन दिले. परंतु अजूनही अतिशिघ्र कारवाई झालेली नाही.

हिंगोली गावातील दारिद्र रेषेखाली 36 कुटुंब घरकुल लाभाकरिता पात्र असून २०२४/२५ करिता पंचायत समिती वणी अंतर्गत मुंगोली येथे एससी, एसटी, ओबीसी व इतर १६ लाभार्थ्यांचे उद्दिष्ट असून घरकुल लाभासाठी  स्वमालकीची जागा लाभार्थ्यांकडे असल्याशिवाय घरकुलाचा लाभ घेता येत नाही. हिंगोली येथील 16 उदिष्ट लाभार्थी पंतप्रधान आवास योजना सन २०२४/२५ मध्ये हक्काच्या घरापासून वंचित आहेत. तरी मुंगोली गावातील पुनर्वशीचा नागरिकांना प्लॉट वाटप व मालकी हक्क घेण्याकरिता वेकोलीला सूचना करून गरजू गरीब नागरिकांना न्याय मिळवून द्यावा अशी मागणी निवेदनातून करण्यात आली यावेळी लाभार्थी उपस्थित होते.