गो रक्षक हिंदुत्ववाद्यांनी वणी पोलिस स्टेशन मध्ये केले ठिय्या आंदोलन, खऱ्या आरोपींना अटक करा.

वणी:-  दिपक टॉकीज परिसरात दिनांक ११ जानेवारी रोजी रस्त्यावर गो- वंशाचे मुंडके व मास टाकून आढळले. सोबत याच परिसरात मोठ्या प्रमाणावर हाडे, मासाचा साठा आढळून आला. त्यामुळे वणीत तणावाचे वातावरण निर्माण झाले होते. या प्रकरणात पोलिसांनी केलेल्या कार्यवाहीवर असंतोष प्रगट करून माजी आमदार संजिवरेड्डी बोदकुरवार, भाजपाचे जिल्हा अध्यक्ष तारेंद्र बोर्डे,  श्रीराम नवमी उत्सव समितीचे अध्यक्ष रवी बेलुरकर, अजिंक्य शेंडे, राजू तुराणकर, कुणाल चोरडिया, बंटी ठाकूर व इतर गो - रक्षक हिंदुत्ववादी संघटनांनी पोलिस स्टेशन समोर खऱ्या आरोपिना अटक करून कडक कार्यवाही करण्यात यावी यासाठी ठिय्या आंदोलन करून कार्यवाही साठी निवेदन दिले.

     या प्रकरणात  सहभाग असल्याच्या संशयावरून पोलिसांनी दिनांक १२  जानेवारीला ८ आरोपींना ताब्यात घेवून न्यायालयात हजर केले असता त्यांना न्यायालयाने जामीन मंजूर केले. या प्रकरणातील अजून काही आरोपी फरार आहेत. ही कृती वणी सारख्या शांत शहरात जातीय दंगली घडविण्यासाठीच गो वंशाचे मुंडके मास रस्त्यावर फेकण्यात आले. यातील फरार आरोपींना तत्काळ अटक करून भारतीय न्याय सहिता 196 अंतर्गत 153 A आयपीसी अन्वये गुन्हा नोंद करण्यात यावा यासाठी येथील  गो रक्षक हिंदुत्ववाद्यांनी पोलिस स्टेशनचे आवारात ठिय्या आंदोलन केले. 

  उपविभागीय पोलिस अधिकारी गणेश किंद्रे, ठाणेदार अनिल बेहरणी यांच्याशी चर्चा केल्यानंतर या आंदोलकांच्या मागण्या मान्य करून दोन दिवसात कार्यवाही करण्याचे आश्वासन दिल्यानंतर धरणे आंदोलन मागे घेण्यात आले.