सिद्धार्थ वस्तीगृह येथे क्रांतीज्योती सावित्रीबाई फुले यांची जयंती साजरी.

वणी:- ३ जानेवारी रोजी सिद्धार्थ वसतीगृह वणी येथे क्रांतीज्योती सावित्रीबाई फुले यांची जयंती साजरी करण्यात आली. यावेळी कार्यक्रमाचे अध्यक्ष म्हणून प्राध्यापक पुरुषोत्तम पाटील हे उपस्थित होते.तर प्रमुख पाहुणे म्हणून संस्थेचे उपाध्यक्ष एस एस सोनारकर,कोषाध्यक्ष जगदीश भगत, सचिव नवनाथ नगराळे व इतर पदाधिकारी उपस्थित होते सर्वप्रथम मान्यवरांनी क्रांतीज्योती सावित्रीबाई फुले यांच्या प्रतिमेला हारार्पण करून अभिवादन केले. कार्यक्रमाचे प्रास्ताविक नवनाथ नगराळे यांनी केले. त्यानंतर एस एस सोनारखन यांनी आपले विचार व्यक्त केले.

 कार्यक्रमाचे अध्यक्ष प्राध्यापक पुरुषोत्तम पाटील यांनी सावित्रीबाई फुले यांच्या कार्याची ओळख करून दिली. स्त्री जीवनाला नवीन दिशा देण्याचे काम सावित्रीबाई फुले यांनी केले, सावित्रीबाई व ज्योतिबा फुले यांच्या कार्याला डॉ. बाबासाहेब आंबेडकर यांनी संविधानात घटनात्मक दर्जा दिला. असे विचार यावेळी व्यक्त केले. यावेळी वस्तीगृहातील अनेक विद्यार्थ्यांनी सावित्रीबाई फुले विषयी विचार व्यक्त केले कार्यक्रमाचे संचालन व आभार वस्तीगृहाचे अध्यक्ष मंगल तेलंग यांनी केले कार्यक्रम यशस्वी करण्यासाठी सेवक कैलास वडस्कर यांनी सहकार्य केले.