दुचाकिच्या अपघातात इसमाचा मृत्यू, शहरातील धुम स्टाईल बाईक चालकांना आवर घाला नागरिकांची मागणी.

वणी:- मंदिरातून दर्शन घेऊन घराकडे परत जात असताना धुम स्टाईल बाईक स्वाराने जबर धडक दिल्याने ७० वर्षीय इसमाचा मृत्यू झाल्याची दुःखदायक घटना दिनांक २५ डिसेंबर रोजी सकाळी ११ वाजेच्या सुमारास घडली.

शहरातील पटवारी काॅलनी येथील रहिवासी नागोराव आवारी हे आपल्या ॲक्टिवा गाडी क्रमांक एम एच २९ बि.एक्स.७५२६ या वाहनाने वरोरा मार्गावरील जगन्नाथ महाराज देवस्थान येथे दर्शनासाठी गेले होते.दर्शन करून घराकडे परत जात असताना धुम स्टाईल दुचाकी चालक गाडी क्रमांक एम.एच.२९ सी.ए.६६४९ या दुचाकीने आवारी यांच्या दुचाकीला जोरदार धडक दिल्याने आवारी हे गंभिर जखमी झाले. त्यांना शेजारी नागरिकांनी तात्काळ वणी येथील खाजगी रुग्णालयात दाखल केले असता प्रकृती गंभीर असल्याने त्यांना पुढील उपचारासाठी नागपूर येथे हलविण्यात आले. नागपूर येथील खाजगी रुग्णालयात उपचार सुरू असताना त्याचा मृत्यू झाला. त्यांच्या मागे पत्नी एक मुलगा, दोन मुली व बराच मोठा आप्तपरिवार आहे.