माळी समाज संघटनेच्या वतीने क्रांतीज्योती सावित्रीबाई फुले यांच्या जयंतीनिमित्त विविध कार्यक्रमांचे आयोजन.

वणी:- क्रांतीज्योती सावित्रीबाई फुले यांच्या १९४ व्या जयंतीनिमित्त वणी येथे माळी समाज संघटनेच्या वतीने ३ जानेवारी रोजी विविध कार्यक्रमांचे आयोजन करण्यात आले आहे. ३ जानेवारी रोजी सकाळी ९ वाजता माळी पुरा येथुन भव्य मिरवणूक काढण्यात येणार असून ती शहरातील प्रमुख मार्गाने निघून महात्मा फुले चौकात समाप्त होणार आहे.

त्यानंतर श्री विठ्ठल- रुक्मिणी भावसार समाज मंदिर गणेशपूर रोड येथे सकाळी १० वाजेपासून ४ वाजेपर्यंत विविध स्पर्धांचे आयोजन करण्यात आले आहे.

त्यात महिला करीता रांगोळी स्पर्धा, मुलां करीता चित्रकला स्पर्धा, पाक कला, वेशभूषा, एक मिनिट स्पर्धा घेण्यात येणार आहे.

सायंकाळी पाच वाजता सत्कार समारोह व पाहुण्यांचे मनोगत या कार्यक्रमाचे आयोजन करण्यात आले आहे.

या कार्यक्रमाचे अध्यक्ष म्हणून छायाताई सोनुले चंद्रपूर या उपस्थित राहणार आहेत.या कार्यक्रमाचे उद्घाटक म्हणून रींकूताई मोहुर्ले वणी या उपस्थित राहणार आहेत. प्रमुख मार्गदर्शक म्हणून लिषताई विधाते माजी सभापती वणी या उपस्थित राहणार आहेत.

यावेळी श्रृति वाढई या मुलीचा सत्कार करण्यात येणार आहे. त्यानंतर व्याख्यानमालेला ॲड वैशालीताई टोंगे, सामाजिक कार्यकर्त्या चंद्रपूर यांचे व्याख्यान होणार आहे.यावेळी प्रमुख अतिथी म्हणून सरोज भंडारी मुख्याध्यापिका रामदेवबाबा अपंग मुकबधीर विद्यालय वणी,

सिताताई वाघमारे सपोनी वाहतूक शाखा वणी,संगिताताई पेटकुले माजी नगरसेविका चंद्रपूर या उपस्थित राहणार आहेत. तरी या कार्यक्रमाला श्रोत्यानी मोठ्या संख्येने उपस्थित राहावे असे आवाहन आयोजक माळी समाज संघटनेने केले आहे.