जनता जनार्धानी दिलेला कौल मला मान्य आहे, येणाऱ्या स्थानिक स्वराज्य संस्थांच्या निवडणुका स्वबळावर लढणार.

मनसे पक्ष नेते राजू उंबरकर यांनी पत्रकार परिषदेत दिली माहिती.

वणी:- महाराष्ट्र नवनिर्माण सेनेने वणी विधानसभेत केलेले काम पहाता निवडणुकीत महाराष्ट्र नवनिर्माण सेनेचा विजय निश्चित असल्याची खात्री होती. मात्र मतदारांनी या सर्व कामाला नाकारून मला पराभवाला सामोरे जावे लागले.

माझा पराभव झाला यापेक्षा मोठे दुःख मतदारांनी एका कामाच्या माणसाला सत्तेपासून दूर ठेवले.

जर असे झाले नसते तर येत्या काळात  वणी मतदारसंघाचा कायापालट आणि विकासात्मक

बाबीचे चित्र वेगळे असते असा आशावाद मनसेचे नेते राजू उंबरकर यांनी ६ डिसेंबर रोजी वणी येथील शिवमुद्रा येथे आयोजित पत्रकार परिषदेत व्यक्त केले.

जनता जनार्धनाचा कौल मी मान्य करतो, मला निवडणुकीत मतदान करणाऱ्या सर्व मतदारांचे   माझ्या पक्षातील पदाधिकारी, कार्यकर्ते, मनसे सैनिक, इतर राजकीय पक्षांतील,प्रत्यक्ष अप्रत्यक्ष काम करणाऱ्या  सामाजिक संघटनातील कार्यकर्त्यांचे आभार मानले.

येणाऱ्या स्थानिक स्वराज्य संस्था निवडणूक स्वबळावर लढणार*

येत्या काही दिवसांत स्थानिक स्वराज्य संस्थांच्या निवडणुका जाहीर होणार आहेत. जिल्हा परिषद, पंचायत समिती,नगर परिषद या सर्व निवडणूका मध्ये  महाराष्ट्र नवनिर्माण सेना स्वबळावर संपूर्ण ताकदीनिशी  लढणार आणि जिंकणार असा दावा केला.

पत्रकार परिषदेत तालुकाध्यक्ष फाल्गुन गोहोकार, शहर अध्यक्ष शिवराज पेचे, यासह पक्षाचे पदाधिकारी व पत्रकार उपस्थित होते.