वणी येथे पहिल्यांदा ८ डिसेंबर ला विदर्भस्तरीय फॅशन रनवे.

वणी:- येथील केएफडी ॲकडमी व नागपूर येथील टिम मशुरी यांच्यावतीने पहिल्यांदा वणी  येथील मूकबधिर मुले व मुली रॅम्पवर वॉक करून आपले कौशल्य सादर करणार आहे. मूकबधिर मुले आणि मुलींच्या आयुष्यात आशेचा एक नवीन किरण निर्माण करण्याचा या मागचा उद्देश आहे. अशा प्रकारचे फॅशन शो जास्तीत जास्त मुंबई, पुणे, दिल्ली, नागपूर यासारख्या मेट्रो शहरात होत असतात परंतु सांस्कृतिक वैभव लागलेल्या वणी सारख्या शहरात पहिल्यांदाच भव्य स्वरूपाचा फॅशन शो ८ डिसेंबर रोजी महालक्ष्मी रिसॉर्ट वरोरा रोड नायगाव येथे होणार आहे.केएफडी आणि टिम मशुरी नागपूर तर्फे या कार्यक्रमाचे आयोजन करण्यात आले आहे. कार्यक्रम घेण्याचा मुख्य उद्देश म्हणजे वणी विभागातील मुले महिला व युवा वर्ग यांना एका नव्या मंचावर आपली कला व गुण सादर करून कला क्षेत्रात आत्मविश्वास वाढवता आला पाहिजे व महिलांना सक्षम बनविण्या मागचा आमचा उद्देश आहे. अशी माहिती आयोजक संचालक कशीष विजय पुण्यानि, देवश्री विकास बंडेवार नागपूर, सनी सिंघ नागपूर यांनी पत्रकार परिषदे मध्ये माहिती दिली.

या स्पर्धेमध्ये आतापर्यंत ५२ स्पर्धकांचे रजिस्ट्रेशन झालेले असून यामध्ये नागपूर, अमरावती, वणी आणि ओडिसा सारख्या राज्यातून मोठ्या संख्येने स्पर्धक भाग घेत आहेत.