घरात प्रवेश करून धारदार शस्त्राने तरूणावर जिवघेणा हल्ला.

वणी:- शहरातील माळीपुरा परिसरात सकाळी ९ वाजेच्या दरम्यान तरूणावर धारदार शस्त्राने जिवघेणा हल्ला करण्यात आल्याची घटना घडली.

माळीपुरा येथे आईसह वास्तव्यास असलेला  प्रणय मुकुंद मुने वय २५ वर्ष असे हल्ल्यात गंभीर जखमी झालेल्या तरूणाचे नाव आहे.

प्रणय हा सकाळी घरी एकटा असताना दोन तरुण घरात घुसले व त्यांनी प्रणयवर धारदार शस्त्राने हल्ला केला प्रणयच्या किंचाळण्याच्या आवाजाने शेजारी गोळा झाले त्यांनी पोलिसांना माहिती देऊन  रक्ताच्या थारोळ्यात पडलेल्या जखमी प्रणयला उपचारासाठी ग्रामीण रुग्णालय वणी येथे दाखल केले असता त्याची प्रकृती गंभीर असल्याने त्याला नागपूर येथे पुढील उपचारासाठी रेफर केले पोलिसांनी हल्लेखोर अजिंक्य चौधरी वय २५ वर्ष व एक विधी संघर्ष बालक हिंगणघाट, जिल्हा वर्धा यांना ताब्यात घेऊन अटक केली आहे.

त्यांचेवर जिवघेणा हल्ला केल्या प्रकरणी गुन्हा दाखल करण्यात आला असून, पुढील तपास वणी पोलिस करीत आहेत. आरोपींनी हल्ला करण्या मागील कारण अद्याप स्पष्ट झाले नाही.