भरारी पथकाने वणी शहरात ६० लाख रुपये जप्त केले.

वणी:- शहरातील एसबीआय बँके मधून ६० लाख रुपये सिमेंटच्या पोत्यात भरून घेऊन जात असताना भरारी पथकांनी टागोर चौक परिसरात छापा टाकून  दुचाकी ला थांबवून तपासणी केली असता त्या सिमेंटच्या  बॅगमध्ये साठ लाख रुपये आढळून आल्याने ती रक्कम जप्त करून कारवाई करण्यात आली.

मिळालेल्या माहितीनुसार वैभव कॉटन प्रायव्हेट लिमिटेड पुरड या कंपनीचे स्टेट बँक ऑफ इंडिया मुख्य शाखेतून साडेचार वाजता कंपनीच्या कर्मचाऱ्यांनी रक्कम काढून दूचाकिने जात असताना टागोर चौक येथे भरारी पथकाच्या अधिकाऱ्यांनी त्या दुचाकी ला थांबून दुचाकी वरील सिमेंटच्या बॅगमध्ये भरलेल्या वस्तूची तपासणी केली असता त्यात  ५००/१००/५० रुपयाचे बंडल एकुण साठ लाख रुपये असल्याचे निदर्शनास आल्याने ती रक्कम जप्त करण्यात आली. याबाबत रात्री उशिरापर्यंत कारवाई सुरू आहे.