वणी विधानसभा निवडणुकीत एकूण 12 उमेदवार उभे,संजय खाडे पहिल्यादाच निवडणुकीच्या रिंगणात

या उमेदवारांनी घेतला अर्ज मागे संजय खाडे यांची बंडखोरी, निवडणूक होणार चौरंगी....

वणी :वणी विधानसभा निवडणुकीसाठी आज उमेदवारी अर्ज घेण्याचा शेवटचा दिवस होता. आजच्या दिवशी चार उमेवारांनी अर्ज परत घेतला. सर्वांचे लक्ष लागलेले काँग्रेसचे संजय खाडे यांनी निवडणुकीच्या रिंगणात कायम राहण्याचा निर्णय घेतला. छाननीत 20 पैकी 4 उमेदवारांचा अर्ज बाद झाला होता. त्यामुळे 16 उमेदवार रिंगणात राहिले होते. तर आज दु. 3 वाजेपर्यंत 4 उमेदवारांनी अर्ज मागे घेतला. यात अजय पांडुरंग धोबे, आसिम हुसैन मंजूर हुसैन, यशवंत बोंडे व या अपक्ष उमेदवारांचा समावेश आहे. काही वेळातच अपक्षांना निवडणूक चिन्ह वाटप केले जाणार आहे.

हे आहेत अंतिम उमेदवार

अरुणकुमार रामदास खैरे (बसपा), राजू मधुकरराव उंबरकर (मनसे), संजय निळकंठ देरकर (शिवसेना उबाठा), संजीवरेड्डी बापूराव बोदकुरवार (भाजप), अनिल घनश्याम हेपट (कम्युनिस्ट पार्टी ऑफ इंडिया), प्रवीण रामाजी आत्राम (राष्ट्रीय गोंडवाना पार्टी), राजेंद्र कवडुजी निमसटकर (वंचित बहुजन आघाडी), संजय रामचंद्र खाडे, केतन नत्थुजी पारखी, नारायण शाहु गोडे, हरिष दिगांबर पाते, निखिल धर्मा ढुरके असे 12 उमेदवार रिंगणात राहणार आहेत. तर आज यशवंत शिवराम बोंडे, राहुल नारायण आत्राम अजय पांडुरंग धोबे, आसिम हुसैन मंजूर हुसैन आज उमेदवारी अर्ज मागे घेतला. छाननीच्या दिवशी देवाराव आत्माराम वाटगुरे, सुनील गणपतराव राउत, रत्नपाल बापूराव कनाके, संतोष उद्धवराव भादीकर यांचे अर्ज बाद झाले होते. त्यामुळे रिंगणात 16 उमेदवार उरले होते.

संजय खाडे यांच्या उमेदवारीमुळे आता वणी विधानसभेची निवडणूक चौरंगी होणार आहे. आ. संजीवरेडंडी बोदकुरवार, संजय देरकर, राजू उंबरकर व संजय खाडे यांच्यात मुख्य लढत होणार आहे. तर वंचितचे राजेंद्र निमसटकर, कम्युनिस्ट पक्षाचे अनिल हेपट व बसपाचे अरुणकुमार खैरे पक्षाचे उमेदवार देखील शर्यतीत आहे.