वणी तहसील कार्यालयातील पुरवठा निरीक्षक लाचलुचपत विभागाच्या जाळ्यात.

वणी:- तहसील कार्यालय वणी येथील तालुका पुरवठा अधिकारी लाचलुचपत विभागाच्या जाळ्यात अडकल्याने एकच खळबळ उडाली आहे.

आज दिनांक २४ ऑक्टोबर रोजी दुपारी साडेतीन वाजता चे दरम्यान ही घटना घडली.

संतोष उईके, ४० वर्ष असे या लाचखोर  पुरवठा निरीक्षकाचे नाव आहे.

संतोष उईके यांनी तक्रारदार बंडू देवाळकर यांना ७० हजार रुपयाची लाच मागितली होती. बंडू देवकर यांनी अमरावती लाचलुचपत प्रतिबंधक विभागाकडे पुरवठा निरीक्षक यांची तक्रार केल्यामुळे आज दुपारी  अमरावती येथील पथक वणी तहसील कार्यालयातील पुरवठा विभागात दाखल होऊन संतोष उईके यांना लाच स्वीकारताच रंगेहात पकडण्यात आले.

याप्रकरणी वृत्त प्रकाशित होई पर्यंत कारवाई सुरूच आहे.