किरणताईच्या नवसाला पावली जानामाय, कासामाय, संजय देरकर यांना उबाठा कडुन उमेदवारी जाहीर.

वणी:- रस्सीखेच सुरु असलेल्या वणी विधानसभा मतदार संघासाठी महाविकास  आघाडीचे मित्र पक्ष असलेल्या उबाठा यांचे अधिकृत उमेदवार म्हणुन संजय देरकर यांना उमेदवारी जाहीर करण्यात आली आहे.

महाविकस आघाडी कडुन उमेदवारी कोणाच्या वाट्याला जाईल याबाबत उत्सुकता शिगेला पोहचली होती.

वणी विधान सभेची जागा कांग्रेसच्या वाट्याला येईल अशी अनेकांना अपेक्षा होती.

त्यामुळे कांग्रेसमध्ये मोठ्या प्रमाणात रस्सीखेच झाली.

या रस्सीखेच मध्ये खासदार प्रतीभाताई धानोरकर यांनी संजय खाडे यांचे नाव समोर करत मोठा ईश्यु केला होता.

मात्र  पक्षाला तिकीट मिळवुन देण्यात त्या अपयशी ठरल्या असुन   ही जागा आपल्या कडे खेचण्यात उबाठाने यश मिळविले आहे.

आज पक्ष प्रमुख उध्दव बाळासाहेब ठाकरे यांनी संजय देरकर यांना उमेदवारी जाहीर केली आहे.

संजय देरकर यांच्या सौभाग्यवती किरणताई देरकर यांनी नवरात्री उत्सवा दरम्यान वनोजा येथे पतीराजाला उमेदवारी मिळावी यासाठी नवस केला होता.उबाठा या पक्षाच्या वाट्याला वणी विधानसभा मिळावी अशी त्यांनी प्रार्थना करीत ही उमेदवारी

  माझ्या पतीराजाला  मिळावी असा त्याचा नवस होता.

वणी विधान सभा मतदार संघात येत असलेल्या वनोजा देवी येथील जाणामाय, कासामाय देवी  ही नवसाला पावणारी आहे, अशी अख्यायीका आहे.आणि

त्यामुळे संजय देरकर यांच्या सौभाग्यवती किरणताईं देरकर यांनी हजेरी लावुन देवी माय जवळ धावा केला होता.

 माय माझ्या नवसाला पाव असा नवस करून त्यांनी सोशल मीडीयावर आपल्या समर्थका सह प्रतीक्रियाही दिल्या होत्या. हा व्हिडिओ मोठ्या प्रमाणात व्हायरल झाला होता.

नवसामुळेच  देरकराना उबाठा कडुन उमेदवारी मिळाली अशी चर्चा आता जोर धरत आहे.