अखेर महाविकास आघाडीचा वणी विधानसभेचा उमेदवार जाहीर

शिवसेना उबाठा पक्षाचे संजयभाऊ देरकर यांना महाविकास आघाडीची अधिकृत उमेदवारी जाहीर

वणी : वणी विधानसभा निवडणुकीसाठी गेल्या कित्येक महिन्यापासून उत्सुकता लागलेल्या महाविकास आघाडीच्या वणी विधानसभा क्षेत्राच्या अधिकृत उमेदवाराची उमेदवारी आज महाविकास आघाडीच्या पत्रकार परिषदे नंतर शिवसेना उबाठा पक्षाने जाहीर केलेल्या पहिल्या यादीने अखेर संपली आहे. प्रचंड रस्सीखेच असलेल्या वणी विधानसभा क्षेत्राच्या सीटवर अखेर उबाठा गटाने बाजी मारली असून उबाठाचे संजय देरकर यांना अधिकृत उमेदवारी जाहीर झाली आहे. काँग्रेस आणि शिवसेना उबाठा गटामध्ये प्रचंड स्पर्धा निर्माण झाली होती. दोन्ही पक्ष या जागेवर आपला दावा सांगत होते त्यासाठी मुंबई, दिल्ली येथे वाऱ्या सुद्धा झाल्या परंतु शेवटी ही जागा शिवसेना उबाठा गटाला मिळाली आहे. आता वणी विधानसभा क्षेत्रात बीजेपी विरुद्ध महाविकास आघाडी ही मजबूत लढायी पहायला मिळणार आहे.