वणी नगर परिषदेला ५० लाखाचे बक्षीस, माझी वसुंधरा अभियान चा निकाल जाहीर.

वणी:-राज्य सरकार तर्फे राबविण्यात येणाऱ्या माझी वसुंधरा अभियान ४:० चा निकाल जाहीर झाला. राज्यातील स्थानिक स्वराज्य संस्थेसाठी हे अभियान राबविण्यात येते. पृथ्वी, वायू, जल, अग्नी आणि आकाश या निसर्गाशी संबंधित पंच तत्वावर आधारित माझी वसुंधरा अभियान राज्यातील स्थानिक स्वराज्य संस्थेमध्ये  दोन ऑक्टोबर २०२० पासून राबविण्यास सुरुवात झाली आहे. माझी वसुंधरा अभियान ४.० हे राज्यांतील स्वराज्य संस्थेमध्ये १ एप्रिल २०२३  ते ३१ मे २०२४ या कालावधीत राबविण्यात आले. यामध्ये राज्यातील ४१४ नागरिक  स्थानिक स्वराज्य संस्था तसेच  २२ हजार  २१८ ग्रामपंचायती  अशी एकूण  २२ हजार ६३२ स्थानिक स्वराज्य संस्थांनी सहभाग घेतला होता. माझी वसुंधरा अभियान योजनेचा निकाल शासन निर्णयाद्वारे घोषित करण्यात आला.

माझी वसुंधरा अभियान ४.० मध्ये उच्चतम कामगिरी करणाऱ्या स्वराज्य संस्थांना बक्षीस रकमेचे वितरण करण्यात आले. त्यामध्ये ५० हजार ते १ लाख लोकसंख्या गटामध्ये अमरावती विभागातून वणी नगर परिषदेने दुसरा क्रमांक पटकावून ५० लाखाचे बक्षीस जिंकले.

घनकचरा वृक्षारोपण शहराचे वाढते प्रदूषण कमी करण्यासाठी वणी नगर परिषदेने कामाची दखल घेऊन  राज्य शासनाने वसुंधरा अभियानात विभागामध्ये सर्वोत्तम काम करणाऱ्या नगरपरिषदेला पुरस्कार देऊन गौरव केला. त्यामध्ये अमरावती विभागातून नगरपरिषद वणीला दुसरा क्रमांक देण्यात आला. यामध्ये  वणी नगर परिषदेला पन्नास लाख रुपये बक्षीस प्राप्त झाले आहे.

सदर अभियानात प्रशासक व मुख्याधिकारी सचिन गाडे, उपमुख्य अधिकारी जयंत सोनटक्के,व शहर समन्वयक मयूर मुंदाने यांनी अथक परिश्रम घेतले.