सलग दोन दिवसात दोघांनी केली आत्महत्या.

वणी:- पोलीस स्टेशन शिरपूर हद्दीत येत असलेल्या धुनकी गावी ५० वर्षीय इसमाने घराच्या अंगणात विषारी औषध प्राशन करून आत्महत्या केल्याची घटना ४ ऑक्टोबर रोजी सकाळी उघडकीस आली.

शंकर अनंतराव मेश्राम ५० वर्ष असे मृतकाचे नाव आहे. शिरपूर पोलिस स्टेशनचे हद्दितील धूनकी येथील रहिवासी आहे. हा नेहमीप्रमाणे घरी येऊन रात्री झोपायचा काल तसाच दि.०४/१०/०२४ ला पण रात्री घरचे सगळे झोपले असतांना शंकरने आपल्या घराच्या अंगणात विष प्राशन केले.

सकाळी घरची मंडळी उठली असता शंकर मृत अवस्थेत दिसला.  मुलाने गावच्या पोलिस पाटलांना सांगितले आणी पाटलांनी घटनेची हाकिकत शिरपूर पोलीस स्टेशनला कळविले पोलिसांनी घटनास्थळाचा पंचनामा करून मृतदेह ताब्यात घेऊन शंकरचे शव उत्तरीय तपासणीसाठी ग्रामीण रुग्णालय वणी येथे दि.०४ ऑक्टोबर ला सकाळी.१०.००वाजता पाठवले मृतदेहाचे शवविच्छेदन करून मृतदेह नातेवाईकांच्या ताब्यात देण्यात आला पुढील तपास शिरपूर पोलीस करीत आहे.

तसेच मुकुटबन पोलिस स्टेशन हद्दीतील बोपापूर येथील ४० वर्षीय इसमाने शेतात जाऊन विषारी औषध प्राशन करून आत्महत्या केल्याची घटना ५ ऑक्टोबर रोजी उघडकीस आली. सुनील शत्रुघन पेंदोर ४० वर्ष बोपापूर असे मृतकाचे नाव आहे.

सुनील हा नेहमी प्रमाणे शेतात गेला व त्याने शेतात जाऊन विषारी औषध प्राशन केले.

मृतकाचे भावाला हि घटना माहीत होताच त्याने मुकुटबन पोलिस स्टेशनला माहिती दिली. मुकुटबन पोलीसांनी घटनास्थळ  गाठून घटनेचा पंचनामा करून

०५/१०/०२४ ला दुपारी दोन वाजता मृतदेह शवविच्छेदनासाठी  ग्रामीण रुग्णालय वणी येथे दाखल करून मृतदेहाचे शवविच्छेदन करून मृतदेह नातेवाईकांच्या ताब्यात देण्यात आला.  पुढील तपास मुकुटबन पोलीस करीत आहे.