वणी येथे येणार नवरात्रात तुळजापूर भवानी मातेची अखंड ज्योत, नवशक्ती दुर्गा माता मंदिराचा अभिनव उपक्रम.

वणी : या वर्षी नवरात्र महोत्सवात वणी येथे प्रसिद्ध नवशक्ती दुर्गा माता मंदिर आंबेडकर चौक वणी येथील समितीने महाराष्ट्रातील तुळजापूर सर्वात प्रसिद्ध हिंदू मंदिरापैकी एक आहे हे मंदिर कुलस्वामिनी देवी भवानी माता पार्वतीचे दुसरे रूप आहे हे मंदिर महाराष्ट्रातील साडेतीन शक्ती पिठांपैकी एक पूर्ण शक्तिपीठ म्हणून ओळखले जातात महाराष्ट्राची कुलस्वामिनी देवी तुळजाभवानी मातेची अखंड ज्योत प्रज्वलित करून ती वणी नगरीत आणण्याचा निर्धार श्री नवशक्ती दुर्गा माता मंदिराचे अध्यक्ष रवी बेलुरकर यांनी केला आहे.

                 दरवर्षी एक शक्तिपीठातुन मातेची अखंड ज्योत आणली जाते मागील वर्षी माहूर येथुन रेणुका मातेची ज्योत प्रज्वलित करून वणी नगरीत आणली होती भारतातील आई जगदंबेच्या विविध 51 शक्तीपीठाद्वारे अखंड प्रज्वलित ज्योतीच्या माध्यमातून जगदंबेचा साक्षात्कार होताना भाविकांचा अनुभव आहे. अशा पवित्र ठिकाणावरून ज्योत प्रज्वलित करून ती घटस्थापनेच्या दिवशी वणी नगरीत आणली  जाणार आहे. या ज्योतीचे विविध पूर्व स्थापना करून त्याचे पावित्र्य जपन करून नवरात्र उत्सवाला मोठ्या श्रद्धेने व उत्साहाने प्रारंभ होतो. या वर्षी नवरात्र उत्सवात तुळजापूर येथील भवानी मातेची ज्योत वणी नगरीत आणणार आहेत.२ ऑक्टोंबर ला या ज्योतीच्या यात्रेला शुभारंभ होणार आहे. व ३   ऑक्टोंबर श्री दुर्गामाता देवी घटस्थापनेच्या दिवशी वणी नगरीत ही अखंड ज्योत आणली जाणार आहे.व दुर्गा माता मंदिर आंबेडकर चौक वणी येथे भक्तांच्या दर्शनासाठी ठेवली जाणार आहे. ९ दिवस विविध कार्यक्रमानी नवरात्र उत्सव साजरा केला जाणार आहे. ही अखंड ज्योत आणण्यासाठी दुर्गा माता मंदिराचे अध्यक्ष रवी बेलुरकर यांच्या सोबत दौलत वाघमारे ,प्रमोद लोणारे, चंदन मोहुर्ले, नितीन बिहारी, राजकुमार अमरवानी, शिवा आसुटकर, पुरुषोत्तम मांदळे, अमोल बदखल सतीश कामटकर, मारुती गोखरे, सहभागी होणार आहे. या अखंड ज्योत यात्रेचे स्वागत दुर्गा माता मंदिर समिती व वणी नगरीतील सर्व भाविक भक्तांकडून करण्यात येणार आहे. अशी माहिती मंदिराचे अध्यक्ष रवी बेलुरकर यांनी दिली.