बैल जोडी चोरट्यास २४ तासात केले शिरपूर पोलिसांनी अटक.

वणी:- शिरपूर पोलिस स्टेशन हद्दीतील कृष्णापुर येथील शेतकऱ्यांच्या शेतात बांधुन ठेवलेली बैल जोडी अज्ञात चोरट्यांनी चोरून नेल्याची घटना १५ सप्टेंबर रोजी सकाळी उघडकीस आली.

कृष्णापूर येथील शेतकरी नामदेव दादाजी लांडे यांनी १४ सप्टेंबर रोजी सायंकाळी आपली बैल जोडी शेतातील गोठ्यात बांधून ठेवून रात्री घरी आले. दुसऱ्या दिवशी सकाळी शेतात जाऊन बघीतले असता गोठ्यात बैल आढळून आले नाही.

त्यामुळे त्यांनी शिरपूर पोलिस स्टेशन येथे तक्रार दाखल केली असता पोलिसांनी अज्ञात चोरट्यां विरोधात गुन्हा नोंद केला.

उपविभागीय पोलिस अधिकारी गणेश किंन्द्रे, ठाणेदार माधव शिंदे यांनी घटनास्थळी भेट देऊन गावकऱ्यांशी चर्चा करून बाहेर गावातील काही नागरिक गावात आले होते का याबाबत  माहिती घेतली असता बाहेर गावातील काही नागरिक आले असल्याचे त्यांनी सांगितले त्यावरून  तांत्रिक तपास केला असता, संशयित आरोपी भोलाराम सुरेश पडोळे ३३ रा.डोर्ली ता.वणी याला ताब्यात घेतले असता त्याने ईतर २ सहकाऱ्यांच्या मदतीने बैल जोडी चोरल्याची कबुली दिली व ती बैल जोडी पिक अप वाहनाने भंडारा येथे नेली असल्याचे सांगितले.त्या वरून शिरपूर पोलिसांनी एक पथक भंडारा येथे पाठवून २४ तासांचे आत बैल जोडी हस्तगत केली.

चोरीला गेलेल्या बैलांची किंमत १,२०,००/ रुपये व पिक अप वाहन किंमत अंदाजे ३,००,०००/ रुपये असा एकूण ४,२०,००० असा मुद्देमाल जप्त करण्यात आला.

सदरची कारवाई श्री कुमार चिंता   पोलिस अधीक्षक यवतमाळ, पियुष जगताप अप्पर पोलीस अधीक्षक यवतमाळ, गणेश किंन्द्रे उपविभागीय पोलिस अधिकारी,ज्ञानोबा देवकते स्थानिक गुन्हे शाखा यवतमाळ यांच्या मार्गदर्शनाखाली  ठाणेदार माधव शिंदे, पोउपनि रावसाहेब बुधवत, गंगाधर घोडाम, गजानन सावसाकळे, चालक विजय फुल्लुके यांनी पार पाडली.