खैरगाव भेदी येथे कबड्डीचे एकदिवसीय सामने संपन्न.

वणी:- वणी विधानसभा क्षेत्रातील खैरगाव भेदी येथे खैरगाव ग्राम वासी व नीड संस्थे द्वारे भारतीय जनता पार्टीचे राज्य कार्यकारणी सदस्य तथा सामाजिक कार्यकर्ते विजय  चोरडिया यांच्या वाढदिवसानिमित्त  एक दिवसीय भव्य कबड्डीचे सामने आयोजित करण्यात आले होते. 

 या सामन्यांचे उद्घाटन विजय चोरडिया  यांच्या हस्ते करण्यात आले.  यावेळी मंचावर  विजय चोरडिया,  खैरगावचे सरपंच तुळशीराम कुमरे, नीडचे अध्यक्ष तुळशीराम आत्राम,  शंकर लालसरे,  प्रशांत नांदे, राजू धावंजेवार, सागर मुने,   प्रतिभाताई तातेड, यासह अनेक मान्यवर  उपस्थित होते. यावेळी प्रेक्षणीय सामना खेळण्यात आला.  

विजय चोरडिया यांचा वाढदिवस  शेकडो युवकांनी आपुलकीने साजरा केला. पारंपरिक पद्धतीने  विजय चोरडिया  यांचे औक्षवंत करण्यात आले. खैरगाव परिसरातील 22 गावातील युवकांनी या कबड्डी सामन्यांमध्ये सहभाग नोंदवून विजय चोरडिया यांना शुभेच्छा दिल्या.  या सामन्यासाठी  प्रथम बक्षीस 10000  द्वितीय 8000 तृतीय 6000 चतुर्थ 4000 आणि प्रत्येक सहभागी मंडळाला प्रोत्साहन पर बक्षीस  आणि स्मृतीचिन्ह देण्यात आले. कार्यक्रमाच्या यशस्वीतेसाठी खैरगाव भेदी ग्रामवासी आणि नीड  च्या  सदस्यांनी परिश्रम घेतले.