सोशल मिडीयाच्या आभासी जगात अडकली आजची तरुणाई- ठाणेदार श्री.संतोष मनवर

महाराष्ट्र पोलीस व एम .पी. बिर्ला कपंनी यांच्या संयुक्त विद्यमाने शेतकरी विकास विद्यालय मांगली येथे युवा कार्यक्रमाचे आयोजन

झरी :शेतकरी विकास विद्यालय मांगली येथे आज महाराष्ट्र पोलीस व एम .पी. बिर्ला यांच्या संयुक्त विद्यमाने युवा कार्यक्रम घेण्यात आला . अध्यक्षस्थानी शशांक मुत्यलवार ;प्रमुख मार्गदर्शक अतिथि मुकूटबन ठाणेदार श्री . संतोष मनवर ;आर .सी.पी. एल . चे कार्यकारी अधिकारी संदिप उरकुडे ;एसआर मॅनेजर धरमेंद्र पात्रा व्यासपिठावर उपस्थित होते .

 सोशल मिडीया आणि युवा या विषयांवर बोलतांना मनवर साहेब म्हणाले की ' सोशल मिडीयामूळे जग जवळ आले आहे . दूरवरच्या माणसांचा माणसाशी संपर्क वाढला पण जवळचा दुरावत आहे . कमेंटस ' स्टेटस् ;लाईक्स ला अवास्तव महत्व दिले जात आहे . या गर्तेत युजर्स अडकत असून खासकर तरुणाई या गर्तेत अडकत असल्याने मानासिक आरोग्यासह स्वतःचे भविष्य ही काळवंडण्याचे धोके वाढत आहे .

फेसलेस चॅट आणि आभासी जीवन जगण्यामूळे ही वेळ तरूणाईवर येत आहे.खोटया माहीतीचा आधार घेवून सोशल मिडीयाच्या माध्यमातून त्याचा वापर केला जातो आणि असंख्य अशा सामाजीक भेद निर्माण करणाऱ्या अफवा पसरविल्या जातात यातून गैरप्रकार मोठी संकटे निर्माण होतात . त्यामूळे सोशल मिडीयाच्या आहारी किती गेले पाहिजे हे तरुणाईने लक्षात घेतले पाहीजे असे आपल्या विचारातून प्रतिपादन केले .

कार्यक्रमाचे सुत्रसंचालन स . शिक्षक विलास चिट्टलवार यांनी केले .आभार प्रदर्शन संजय चा माटे यांनी पार पाडले .या कार्यक्रमाच्य  यशस्वीतेसाठी शिक्षक व शिक्षकेत्तर कर्मचाऱ्यांचे मोलाचे सहकार्य लाभले .