सरस्वती माध्यमिक विद्यालय मुकुटबन येथे शिक्षण सप्ताह निमित्त तिथीभोज उत्साहात साजरा

मानव विकास मिशन अंतर्गत सायकलचे वाटप,मोबाईलचा योग्य वापर करा-संकेत उदकवार सर संचालक जय बजरंग शिक्षण संस्था मुकुटबन

झरी: दिनांक 28 जुलै 2024 रोज रविवारला सरस्वती माध्यमिक विद्यालय मुकुटबन येथे दिनांक 22 जुलै ते 28 जुलै 2024 पासून सुरू असलेल्या शिक्षण सप्ताहाचा शेवट आज समुदाय सहभाग दिवस तथा तिथी भोजन या उपक्रमाने समारोप करण्यात आला.

भारत सरकारच्या शिक्षण विभागाच्या पत्रानुसार महाराष्ट्र शासनाने संपूर्ण राज्यातील शिक्षण क्षेत्रातील सर्व शाळांमध्ये राष्ट्रीय शिक्षण धोरण 2020 चा चौथा वर्धापन दिन शिक्षण सप्ताहाच्या निमित्ताने मुकूटबनच्या सरस्वती माध्यमिक विद्यालय येथे साजरा करण्यात आला गेल्या आठ दिवसापासून सतत धार पाऊस सुरू असूनही सुद्धा आज समारोप दिवसी 140 विद्यार्थी उपस्थित राहून तीथी भोजनाचा आनंदोत्सव साजरा करण्यात आला. शिक्षण सप्ताहाच्या उपक्रमात विद्यार्थ्यांनी सातही दिवस सहभाग नोंदविला . शनिवारला वृक्षदिंडी सुद्धा काढण्यात आली तिथी भोजनात खारा भात जिलेबी यांचा आस्वाद विद्यार्थी शिक्षक पालक व पाहुणे मंडळी यांनी घेतला. शिक्षण सप्ताहाचे औचित्य साधून मानव विकास मिशन अंतर्गत मुलींना सायकलीचे वाटप सुद्धा करण्यात आले. त्यानिमित्त पालक शिक्षक सभेचे सुद्धा आयोजन करण्यात आले कार्यक्रमाचे अध्यक्षस्थानी श्री संकेत उदकवार सर मुख्याध्यापिका जोगी मॅडम आरसीसीपीएल कंपनीचे मॅनेजर कांबळे सर मुख्याध्यापक परचाके सर प्राथमिक आश्रम शाळेचे मुख्याध्यापक वैद्य सर संस्थेचे संचालक श्रीहरी चेलपेलवार प्रवीना ताई काकरवार पालकांचे प्रमुख म्हणून छगन जी थेरे व असंख्य पालक शाळेतील शिक्षक शिक्षकेतर कर्मचारी उपस्थित होते. कार्यक्रमाचे संचालन सुनील ढाले सर यांनी केले तर प्रास्ताविक श्री पुनवटकर सर यांनी केली.