सरपंच तुकाराम माथनकर “अभिमान गौरव महाराष्ट्रचा “ पुरस्काराने सम्मानित

वणी  - होटल कोणार्क येंल बी नागपूर येथे दिनांक २१ जुलै रोजी प्रयास बहुउद्देशीय सेवा संघाचा रौप्य महोत्सव पार पडला या पुरस्कार सोहळ्याला प्रमुख पाहुणे म्हणून सिने अभिनेत्री सुधा चंद्रन यांची प्रामुख्याने उपस्थिती होती. यामध्ये यवतमाळ जिल्ह्यातील वणी तालुक्यातील उमरी येथील अखील भारतीय सरपंच परिषदेचे वणी तालुका अध्यक्ष तुकाराम  माथनकर यांना “अभिमान गौरव “पुरस्काराने  सन्मानित करण्यात आले.

तुकाराम माथनकर हे उमरी येथील सरपंच असून गावात व वणी तालुक्यात त्यांची सामाजिक कार्यात उल्लेखनीय कामगीरी आहे. त्यांनी भारत सरकार व महाराष्ट्र सरकारच्या माध्यमातून राबवण्यात येणाऱ्या अनेक शासकीय योजनांचा लाभ जनसामान्य व गरजू लोकांना मिळवून दिले. त्यांच्या उत्तम कामगिरीसाठी त्यांना याआधीही अनेक शासकीय व सामाजिक संघटने तर्फे सन्मानित करण्यात आले आहे. त्यांच्या या कामाची दखल घेत त्यांना “अभिमान गौरव महाराष्ट्रचा “पुरस्काराने सन्मानित करण्यात आले आहे.  पुरस्कार मिळाल्याबद्दल त्यांचे विविध क्षेत्रातील मान्यवरांकडून त्यांचे अभिनंदन करण्यात येत आहे.