बापरे! रेशनच्या दुकानात आढळला चक्क प्लास्टिकचा तांदूळ

झरी जामनी तालुक्यातील मांगली येथे धक्कादायक प्रकार उघडकीस

झरी: तालुक्यातील मांगली येथील रेशन धान्य दुकानातून लाभार्थ्यांना दिलेल्या तांदळात प्लास्टिकचा तांदूळ आढळून आल्याने निष्पन्न झाले. मांगली येथील रहिवासी मंगेश चामाटे यांना आज सरकारी रेशन दुकानातून तांदूळ वितरित करण्यात आला,हा तांदूळ साफ करण्यासाठी मंगेश चामाटे यांच्या पत्नी यांनी तांदूळ साफ करताना त्यांना तांदळामध्ये प्लस्टिकचा तांदूळ असल्याचे दिसून आले त्यांनी नंतर ही गोष्ट त्यांचे पती मंगेश चामाटे यांना सांगितली असता मंगेश चामाटे यांनी स्वतः तांदूळ चावून बघितला असता तांदूळ प्लास्टिकचा असल्याचे निष्पन्न झाले.

या प्लास्टिक मिश्रित तांदळाची चौकशी पूर्ण होईपर्यंत वितरण थांबविण्याची मागणी केली आहे. पिवळ्या व केशरीमधील प्राधान्य गटाला रेशन दुकानातून गहू व तांदूळ वितरण केले जात आहे. अनेकवेळा या वितरणाबाबत तसेच खराब धान्य पुरवठा केल्याबद्दल तक्रारी होतात. परंतु तालुक्यातील मांगली येथे असलेल्या रेशन दुकानातून लाभार्थ्याना मिळालेल्या तांदळात मोठ्या प्रमाणात प्लास्टिक व रबरमिश्रीत तांदूळ असल्याचा धक्कादायक प्रकार उघडकीस आला आहे.

अन्न प्रशासन विभागाने या घटनेची तातडीने चौकशी करून कारवाई करावी, अन्यथा जनता आंदोलन छेडणार असल्याचा गर्भित इशारा यावेळी भारतीय वार्ता न्यूज ने दिला आहे.