एस.पि.एम शाळेजवळ गतिरोधक बसवा, सामाजिक कार्यकर्ते रविंद्र कांबळे यांची मागणी.

वणी:- पाण्याची टाकी ते एस.पी.एम.शाळेपर्यंत नगरपरिषदेच्या माध्यमातून नुकताच सिमेंट रस्ता तयार करण्यात आला. हा रस्ता उतार भागत असल्यामुळे  त्या रस्त्यावरुन जाणारी वाहने वेगात असतात. तसेच डॉ.बाबासाहेब आंबेडकर यांच्या पुतळ्या पासून ते एस.पि.एम.शाळे पर्यंत सुध्दा सिमेंट रस्ता तयार करण्यात आला.तोपण रस्ता उतारात आहे. त्या रस्त्यावरुन जाणारी वाहने वेगात असतात हे दोन्ही रस्त्ये एस.पि.एम.शाळेला जुळतात.

या रस्त्यावरून शाळेत जाणाऱ्या व येणाऱ्या विद्यार्थ्यांची गर्दी असते, तसेच त्या चौकात सेतू सुविधा केंद्र असल्याने तिथे सुध्दा गर्दी असते, त्यामुळे या दोन्ही रस्त्यावर गतिरोधक बसविण्याची मागणी सामाजिक कार्यकर्ते रविंद्र कांबळे यांनी निवेदनाद्वारे मुख्याधिकारी वणी नगर परिषद यांना केली आहे.

या निवेदनावर प्रशासन काय कारवाई करणार याकडे वणीकर नागरिकांचे लक्ष लागले आहे.