मांगली येथील वार्ड क्रमांक 2 मधील रहिवासी विजय काकडे यांच्या घरासमोरील रस्ता झाला चिखलमय

ग्रामपंचायत मांगली प्रशासनाचे दुर्लक्ष, नागरी सुविधांचा अभाव, रस्त्याचे सिमेंट काँक्रीटीकरण करण्याची मागणी

झरी: तालुक्यातील ग्रामपंचायत मांगली येथील वार्ड क्रमांक 2 येथील रहिवासी विजय काकडे यांच्या घरासमोरील रस्ता झाला हा संपूर्णपणे चिखलमय झाला आहे त्यामुळे या रस्त्याने ये-जा करणे तसेच दळणवळण करणे कठीण झाले आहे. सध्या पावसाचे दिवस सुरू आहे आणि पावसाची रिपरिप सतत पहायला मिळत आहे . सतत येणाऱ्या पावसामुळे विजय काकडे यांच्या घरासमोरील रस्ता हा चिखलाने माखला आहे त्यामुळे विजय काकडे आणि त्यांच्या परिवाराला तसेच गावातील नागरिकांना समस्यांना तोंड द्यावे लागत आहे.सदर रस्ता हा कच्चा रस्ता आहे,या रस्त्याचे सिमेंट काँक्रीटीकरण करून पक्का रस्ता बनवावा यासाठी विजय काकडे यांनी ग्रामपंचायत मांगली येथील सरपंच आणि सचिव यांना खूप वेळा निवेदन देऊन मागणी केली तरी सुद्धा ग्रामपंचायत प्रशासनाने यांची गंभीर दखल न घेता या रस्त्याकडे दुर्लक्ष केले. जर ग्रामपंचायत मांगली ने पावसाळा सुरू होण्यापूर्वी या रस्त्याचे सिमेंट काँक्रीटीकरण केले असते तर आज ही समस्या निर्माण झाली नसती. ग्रामपंचायत मांगली प्रशासनाने त्वरित दखल घेऊन पक्का रस्ता बनवून द्यावा अशी मागणी विजय काकडे सह वार्ड क्रमांक 2 मधील नागरिकांनी  यावेळी केली आहे.