अरूणराव माधमशेट्टीवार यांचे मरणोपरांत देहदान.

वणी:- आज अनेक रूग्णांना मानवी शरीराच्या अवयवांची आवश्यकता असते परंतु कधी आर्थिक परिस्थिती कधी उपलब्धता नसल्यामुळे रुग्णांचे वेळेवर उपचार होत नाही. त्यामुळे प्रत्येक मनुष्याने मरणोपरांत देहाचे दान केल्यास निश्चितच मानवी जन्म सार्थकी लागल्याशिवाय राहणार नाही.

देहदान हे श्रेष्ठ दानव अशी भावना व्यक्त करून वणी येथील सेवानिवृत्त प्राध्यापक अरुणराव माधमशेट्टीवार, ८४ वर्ष यांच्या देहाचा अंत्यसंस्कार करण्याऐवजी मृतदेह चंद्रपूर येथील वैद्यकीय महाविद्यालयात दान करण्यात आला. यवतमाळ अर्बन बँकेचे संचालक प्रशांत माधमशेट्टिवार यांचे ते वडील होते.

१६ जुलै रोजी सायंकाळी वृद्धपकाळाने वणी येथील रहाते घरी त्यांचे निधन झाले. अरुणराव माधमशेट्टिवार यांनी मृत्यूपूर्व यांचे पार्थिव देह दान करण्याची इच्छा व्यक्त केली होती.

त्यांच्या इच्छेनुसार 17 जुलै रोजी सकाळी अकरा वाजेपर्यंत त्यांचा मृतदेह अंत्य दर्शनासाठी रवी नगर येथील निवासस्थानी ठेवण्यात आला होता. त्यानंतर त्यांचा पार्थिव देह चंद्रपूर येथे नेण्यात आला.

वैद्यकीय महाविद्यालयात आवश्यक प्रक्रिया पूर्ण करून महाविद्यालय प्रशासनाला त्यांचे पार्थिव सोपविण्यात आले.

अरुणराव माधमशेट्टीवार याचे मागे पत्नी दोन मुले एक मुलगी नातु व बराच मोठा आप्तपरिवार आहे.