गरीब मुलीच्या शिक्षणाची जबाबदारी स्वीकारली, विजय चोरडिया यांनी केली मदत.

वणी:- शहरातील दानशूर व्यक्तिमत्व व नेहमी समाजकार्यात अग्रेसर राहणारे विजय बाबू चोरडिया यांनी एका मुस्लिम कुटुंबातील विद्यार्थिनीला दरवर्षी मदत करण्याचे आश्वासन दिले होते. त्याचाच एक भाग म्हणून त्या विद्यार्थिनीला विजयबाबू चोरडिया यांनी अठरा हजार रुपयाची मदत केली. वणी  शहरातील रहिवासी मिस निजबा शेख सत्तार ही विद्यार्थिनी नागपूर येथे एल.एल.बी. चा कोर्स करीत आहे. 

त्यासाठी तिला शैक्षणिक खर्च शैक्षणिक फी म्हणून दरवर्षी १८ हजार रुपये देण्याचे विजयबाबू चोरडिया यांनी कबूल केले होते. मागील वर्षी त्या विद्यार्थिनीला अठरा हजार रुपये देण्यात आले आणि याही वर्षी त्या विद्यार्थिनीला  १८ हजार रुपये देऊन विजय बाबू चोरडीया  यांनी आपला शब्द पूर्ण केला. पुन्हा पुढील वर्षीही मिस निजबा शेख सत्तार  या विद्यार्थिनीला १८  हजार रुपये देणार असल्याचे त्यांनी सांगितले  त्यामुळे विजय बाबू चोरडिया सर्व धर्म समभावाची भावना जपत असल्याचे दिसून येत आहे.