कारची धडक बसल्याने महिलेचा मृत्यू.

वणी:- मुख्य रस्त्यावरून पायदळ जात असताना मागुन येणाऱ्या कारने जोरदार धक्का दिल्याने ५० वर्षीय महिलेचा मृत्यू झाल्याची दुःखदायक घटना १४ जुलै रोजी सायंकाळी सात वाजताच्या दरम्यान पेटुर गावात घडली.

आशा जनार्दन नांदे ५० वर्ष रा.पेटुर असे मृतक महिलेचे नाव आहे.

प्राप्त माहिती नुसार  पेटुर येथील हि महीला काल दि.१४ जुलै रोजी  सायंकाळी रोडच्या बाजूने चालत   असताना एका कारने  महिलेला जबर धडक दिली असता तिला सायंकाळी वणी येथील एका खाजगी दवाखान्यात दाखल करण्यात आले. प्राथमिक उपचार करून महिलेची प्रकृती गंभीर असल्याने तीला नागपूर येथे उपचारासाठी नेण्याचा सल्ला येथील डॉक्टरांनी दिला पेशंटला नागपूर येथे नेत असताना आशाबाई यांचा वाटेतच मृत्यू झाला. तिला शवविच्छेदनासाठी ग्रामीण रुग्णालय वणी येथे दाखल केले असता आज सकाळी मॄतकाचे शवविच्छेदन होवुन आशाबाई चा मॄतदेह नातेवाईकांना सोपवण्यात आला. पुढील तपास वणी पोलीस करीत आहे