रेल्वेच्या धडकेत युवकाचा मृत.

वणी : - वणीलगत असलेल्या निर्गुडा नदी पुला जवळ रेल्वे च्या धडकेत एका वीस वर्षीय युवकाचा जागीच मृत्यू झाल्याची धक्कादायक घटना समोर आली आहे. आदित्य रवी दुर्गे (रा.दामले फैल) असे मृतकाचे नाव आहे.या दुःखद घटनेने हळहळ व्यक्त होत आहे.

शनिवार दि.६ जुलै ला रात्री ९ वाजताचे दरम्यान, हि घटना उघडकीस आली.  आदित्य दुर्गे जागीच ठार झाला. ही घटना शहरालगत निर्गुडा नदीच्या पुलाजवळ रेल्वे ट्रॅक वर घडली. परंतु शहरात काल पाऊस सुरू असताना एवढ्या रात्री? हा युवक तिथे गेला कशासाठी? व रेल्वेखाली आला कसा हे मात्र, कळू शकले नाही, आदित्य च्या अशा निधनाने त्याच्या परिवारावर दुःखाचा डोंगर कोसळला आहे.

सदर घटना वणी पोलिसांना कळताच पोलीस घटनास्थळी दाखल झाले. घटनेचा पंचनामा करून मृतदेह उत्तरीय तपासणीकरिता ग्रामीण रुग्णालय वणी येथे पाठवला. पुढील तपास वणी पोलीस करित आहे.