*कत्तली साठी नेणाऱ्या १२ गोवंशाची सुटका करून ४ पिक अप वाहनासह २३ लाख ५८ हजारांचा मुद्देमाल जप्त* *स्थानिक गुन्हे शाखा यवतमाळ यांची कारवाई*

*कत्तली साठी नेणाऱ्या १२ गोवंशाची सुटका करून ४ पिक अप वाहनासह २३ लाख ५८ हजारांचा मुद्देमाल जप्त*

स्थानिक गुन्हे शाखा यवतमाळ यांची कारवाई

✍️रमेश तांबे

वणी तालुका प्रतिनिधी

वणी:-२३ जून रोजी स्थानिक गुन्हे शाखेचे पथक वणी शहरात पेट्रोलिंग करीत असताना, गोपनीय बातमीदारा मार्फत माहिती मिळाली की, काही इसम त्यांचे वाहनात गोवंश जातीचे जनावरे कोंबून कत्तलीकरिता वरोरा वणी मुकुटबन मार्गे आदिलाबाद कडे घेऊन जात आहे. अशा माहितीवरून स्थागुशा  पथकाने मुकुटबन मार्गावरील पेटूर या गावाजवळ नाकाबंदी करून सायंकाळी पाच वाजता चे दरम्यान भरधाव येणाऱ्या चार वाहनांना थांबवून पंचा समक्ष वाहनाची तपासणी केली असता प्रत्येक वाहनांमध्ये गोवंश बैल एकमेकांच्या पायाला आखूड दोरीने बांधून निर्दयपणे चारा पाण्याची व्यवस्था न करता कोंबलेल्या स्थितीत दिसून आले. बेलोरा पिकप वाहन क्रमांक एम एच 29 बी ई 63 24, चालक अक्षय अनिल करलुके वय 28 वर्ष राहणार पूरड नेरड तालुका वणी‌, वाहन क्रमांक एम एच 32 झिरो  0237, चालक नितेश रवींद्र किनाके, 22 वर्ष रा.वंदली ता.वरोरा जिल्हा.चंद्रपुर, वाहन क्रमांक एम एच 07 पी. 36 68, चा चालक निलेश बंडुजी कोल्हे, 28 वर्ष  रा.लोणाराता.ता.समुद्रपुर जिल्हा.वर्धा, बेलोरा पिकप विना नंबर च्या गाडीचा चालक सय्यद शाकीर सय्यद मेहमूद 28 वर्ष रा.चिखलवर्धा ता.घाटांजी जिल्हा यवतमाळ, यांचे ताब्यातील चार वाहनातून 12 बैल व चार वाहन असा एकूण 23 लाख 58 हजार रुपयाचा मुद्देमाल जप्त करून आरोपीकडून चौकशी केल्याने सदर जनावरे सय्यद खय्यम सय्यद गफार रा. मुकुटबन ता.झरी यांच्या सांगण्यावरून वाहतूक करीत असल्याचे सांगितले.सदर जनावरे श्री गुरु गणेश गौशाला वणी येथे व्यवस्था करण्याकरिता ठेवण्यात आले.आरोपी विरुद्ध वणी पोलीस स्टेशन येथे गुन्हा दाखल करण्यात आला.सदरची कारवाई पोलिस अधीक्षक यवतमाळ डॉ.पवन बन्सोड, अप्पर अधीक्षक पियुष जगताप, स्था.गु.शा. पोलिस निरीक्षक आधारसिंग सोनोने, यांच्या मार्गदर्शनात सपोनी अमोल मुडे,पोउपनि रामेश्वर कांडूरे, पोलिस अंमलदार उल्लास कुरकुटे, सुनील खंडागळे, सुधीर पांडे, निलेश निमकर, सुधीर पिदुरकर, सतिश फुके सर्व स्था.गु.शा.यवतमाळ यांनी यशस्वी रित्या पार पाडली.