जिल्हा काँग्रेस यवतमाळच्या वतीने महायुती विरोधात चिखल फेक आंदोलन

राज्य व केंद्र शासनाच्या, कष्टकरी,दलीत, अल्पसंख्याक, महिला, युवक तसेच गरीब व सामान्य जनतेच्या विरोधी धोरणाविरोधात आंदोलन

यवतमाळ:जिल्हा काँग्रेस यवतमाळ च्या वतीने आज दिनांक २१ जुन २०२४ ला सकाळी ११ वाजता राज्य व केंद्र शासनाच्या शेतकरी, कष्टकरी,दलीत, अल्पसंख्याक, महिला, युवक तसेच गरीब व सामान्य जनतेच्या विरोधी धोरणाविरोधात संविधान चौक, यवतमाळ (डॉ.बाबासाहेब आंबेडकर यांच्या पुतळ्याजवळ) जुन्या बस स्टॅंड जवळ चिखल फेक आंदोलन करण्यात आले.राज्यातील व केंद्रातील भारतीय जनता पक्षाचे सरकार हे शेतकरी, कष्टकरी, दलित, अल्पसंख्याक, महिला, तरुण, गरिब व सामान्य जनतेच्या विरोधातील आहे. छत्रपती शिवाजी महाराज,राजर्षी शाहू महाराज, महात्मा फुले व भारतरत्न डॉ. बाबासाहेब आंबेडकरांच्या विचाराने चालणाऱ्या महाराष्ट्राच्या प्रतिमेला काळिमा फासण्याचे काम या सरकारने केले आहे. मागील १० वर्षापासून भाजपा सरकारने राज्यातील औद्योगिक विकासांना खीळ घातली आहे.सरकारी नोकर भरती केली जात नाही. स्पर्धा परीक्षा वेळेवर घेतल्या जात नाहीत, ह्या परीक्षा घेतल्या तर पेपरफुटीचे ग्रहण लागते, शेतकरी संकटात आहे पण त्यांना मदत दिली जात नाही.कांदा,कापूस, सोयाबीन यासह कोणत्याही शेतमालाला भाव नाही,सरकार एमएसपी देत नाही.कठिण काळात जनतेला मदत करण्याऐवजी सरकार जनतेचे भीषण आणि आर्थिक पिळवणूक करत आहे. NEET परिक्षेच्या पेपरफुटी व निकालातील गैरव्यवहारामुळे देशभरातील लाखो विद्यार्थ्यांचे भवितव्य सरकारने धोक्यात आणले आहे.वरील सर्व घटना लक्षात घेत यवतमाळ येथे आंदोलन करण्यात आले.या आंदोलनाकरिता सन्माननीय माजी नगरसेवक, नगरसेविका,युवक काँग्रेस, महिला काँग्रेस,सेवादल,NSUI, तसेच सर्व आघाड्यांचे सन्माननीय अध्यक्ष व पदाधिकारी तसेच कार्यकर्ते उपस्थित होते.