*राजुर कॉलरी येथे इसमाने गळफास घेऊन केली आत्महत्या*

*राजुर कॉलरी येथे इसमाने गळफास घेऊन केली आत्महत्या*

✍️रमेश तांबे

वणी तालुका प्रतिनिधी

वणी:-वणी पोलिस स्टेशन हद्दीतील राजुर कॉलरी येथील  ४१ वर्षीय इसमाने  राहते घरी दुपट्याचे सहाय्याने गळफास घेऊन आत्महत्या केल्याची घटना आज दिनांक १५ जून रोजी दुपारी उघडकीस आली.विजय देवराव घोडाम ४१ वर्षअसे गळफास घेतलेल्या इसमाचे नाव आहे. राजुर कॉलरी येथील विजय देवराव घोडाम याने आपल्या राहत्या घरी कोणीच नसल्याचे पाहून घराच्या छताला दुपट्ट्याच्या साहाय्याने  गळफास लावून आपली जिवन यात्रा संपविली विजय हा विवाहित असुन तो चुना भट्टीवर काम करत होता.तर पत्नी धाब्यावर कामाला होती. त्याला पत्नि २  मुले,  ३ मुली, असा आप्त परीवार आहे. विजय याला  दारुचे व्यसन होते. विजयच्या  जाण्याने घोडाम कुटुंबावर मोठें संकट ओढावले आहे.आज दुपारी ५-०० वाजता विजय चा मृतदेह ग्रामीण रुग्णालय वणी येथे  आणुन शवविच्छेदन करण्यात आले. पुढील तपास वणी पोलीस करीत आहे.