दहावी परीक्षेत यशस्वी झालेल्या शेतकरी विकास विद्यालय मांगली च्या विद्यार्थ्यांचा सत्कार सोहळा

झरी: शेतकरी विकास विद्यालय मांगली येथील इयत्ता दहावी परीक्षेत ८० टक्याहून अधिक व परीक्षेत उत्तम गुण मिळवून उत्तीर्ण झालेल्या विद्यार्थ्यांचा सत्कार आज  बुधवार दि .१२ जून २०२४ रोजी मुख्या . शशांक मुत्यलवार सर यांच्या हस्ते झाले . त्यावेळी व्यासपिठावर प्रमुख पाहूणे म्हणून पालक श्री . सुनिल पाईलवार श्री .पारखी सर श्री . चामाटे सर ;श्री .नाकले सर ;श्री . काळे सर उपस्थित होते .

या सत्कार सोहळ्याप्रसंगी प्रास्ताविकेत दहावी परीक्षेत यश प्राप्त करणाऱ्या विद्याथ्र्याच्या पाठीवर कौतूकाची थाप देण्यासह पुढिल वाटचालीसाठी उत्तेजन देण्याच्या दृष्टीकोनातून हा गुणगौरव सोहळा आयोजित करण्यात आल्याची माहिती श्री . चिट्टलवार सरांनी दिली .

मानवी जीवनात शिक्षणाला खूप महत्व असून ते मिळविण्यासाठी विद्यार्थीनी ताकदीने उभे राहून जिद्दीने  अभ्यास करावा . उदयाचा दिवस सोन्याचा करायचा असेल तर आजच कष्ट करा आणि पुढे पूढे जा असे आव्हाहन नाकले सरांनी व्यक्त केले .

गेल्या काही वर्षापासून शेतकरी वि .विद्यालयाचे माझे सहकारी शिक्षकवृंद हे विद्याथ्र्यांना प्रगतीच्या वाटेवर नेण्यासह त्यांच्या करिअरमध्ये यशस्वी होण्यासाठी मोलाचे मार्गदर्शन व मदत करत आहेत . म्हणून शिक्षणातून कौशल्य आत्मसात केले नाही तर शिक्षण व्यर्थ ठरते . आपण विद्यार्थीनी आपल्या पालकांसाठी काय करू शकता याचा विचार करा . अपयशावर मात करून पुढे जाण्याची तयारी ठेवा . विपरीत परीस्थितीत निराश न होता त्याला कसे तोंड देता येईल आणि पूढे काय करता येईल याचा विचार करून पुढील शैक्षणिक जीवनात भरघोस ;घवघवीत यश संपादन करा ;पालकांच्या इच्छा आकांक्षा पूर्ण करा असे प्रतिपादन अध्यक्षिय भाषणातून मुख्या . शशांक मुत्यलवार सरांनी मांडले .

  शेवटी सर्व विद्यार्थ्यांना पुष्पगुच्छ देवून पेढा भरवून त्यांचे अभिनंदन केले .कार्यक्रम यशस्वीतेसाठी श्री .विनोद भादीकर व श्री .जनार्दन काटकर यांनी विशेष परिश्रम घेतले.