अडेगाव येथे मोठ्या उत्साहात साजरी झाली राजमाता पुण्यश्लोक अहिल्यादेवी होळकर यांची जयंती

महाराजा छत्रपती यशवंतराव होळकर युवा मंच च्या वतीने आयोजन

झरी: तालुक्यातील अडेगाव येथे राजमाता पुण्यश्लोक अहिल्यादेवी होळकर  यांची 299 वी जयंती मोठ्या उत्साहात साजरी करण्यात आली.             इतिहासाच्या पानातील सुवर्णाक्षरांनी गजबजत राहिलेलं कर्तुत्व म्हणजे पुण्यश्लोक अहिल्यामाई होळकर होय. सर्वांच्या जीवनाला अर्थमय आयाम प्राप्त करून देणाऱ्या महान तेजस्वी कारुण्य मूर्ती अहिल्यामाई होळकर यांच्या २९९व्या जन्मोतस्वाच औचित्य साधत श्रीमंत सुभेदार मल्हारराव होळकर चौक अडेगाव येथे महाराजा छत्रपती यशवंतराव होळकर युवा मंच व समस्त धनगर समाज बांधव आयोजित धूमधडाक्यात जन्मोत्सव साजरा करण्यात आला.या प्रसंगी अहिल्यामाई व मल्हारराव होळकर यांच्या प्रतिमेला पुष्पहार अर्पण करून अभिवादन करण्यात आले, चौक परिसर येळकोट येळकोट जयमल्हार च्या गजराने दुमदुमला होता. सर्व समाज बांधवांनी मोठ्या प्रमाणात सहभाग दर्शवून लोकमातेची जयंती हर्षोउल्हासात साजरी केली.