उद्या बोरी गदाजी येथे राजमाता पुण्यश्लोक अहिल्यादेवी होळकर जयंतीनिमित्त समाज प्रबोधनाच्या कार्यक्रमाचे आयोजन

राष्ट्रीय प्रबोधनकार तथा सप्तखंजेरीवादक सत्यपाल महाराज यांचे शिष्य श्री विकास चिडे सर यांचे जाहीर व्याख्यान

मारेगाव: तालुक्यातील बोरी गदाजी येथे दिनांक 31 मे 2024 रोज शुक्रवार ला राजमाता पुण्यश्लोक अहिल्यादेवी होळकर यांच्या 299 व्या जयंती महोत्सवाचे सालाबादप्रमाणे याही वर्षी आयोजन करण्यात आले आहे.राजमाता पुण्यश्लोक अहिल्यादेवी होळकर यांचा वैभवशाली तसेच गौरवशाली इतिहास समाजाला माहीत व्हावा या दृष्टिकोनातून समाज प्रबोधनाच्या कार्यक्रमाचे सायंकाळी 7.00 वाजता आयोजन करण्यात आले आहे.

राष्ट्रीय प्रबोधनकार तथा सप्तखंजेरीवादक सत्यपाल महाराज यांचे शिष्य श्री विकास चिडे सर यांचे जाहीर व्याख्यान यावेळी आयोजित केले आहे.

या कार्यक्रमाचे उदघाटक म्हणून मा. संजय देरकर उपाध्यक्ष यवतमाळ जिल्हा मध्यवर्ती सहकारी बँक यांची विशेष उपस्थिती राहणार आहे तर प्रमुख मार्गदर्शक म्हणून श्री विकास चिडे सर (राष्ट्रीय प्रबोधनकार तथा सप्तखंजेरिवादक सत्यपाल महाराज यांचे शिष्य) उपस्थित राहणार आहे तसेच कार्यक्रमाचे अध्यक्ष म्हणून मा प्रा.संजय लव्हाळे सर उपस्थित राहतील.प्रमुख पाहुणे म्हणून श्री गजानन तुराळे सर, श्री काशिनाथ पचकटे सर, प्रवीण नांने सरपंच ग्रामपंचायत बोरी, श्री प्रदीप साबरे उपसरपंच, श्री हुसेन करडे, रामचंद्र करडे , अतुल बोबडे, मंगलाबाई करडे, गंगाताई करडे इत्यादीसह ग्रामपंचायत सदस्य उपस्थित राहणार आहे.

तेव्हा या राजमाता पुण्यश्लोक अहिल्यादेवी होळकर यांच्या जयंतीच्या आणि समाजप्रबोधनाच्या कार्यक्रमाला जनतेनी जास्तीत जास्त संख्येने सहकुटुंब उपस्थित राहावे असे आवाहन आयोजक महाराणी अहिल्यादेवी समाज प्रबोधन मंच व राजमाता अहिल्यादेवी होळकर महिला विचार मंच, बोरी गदाजी यांनी केले आहे.