राष्ट्रमाता पुण्यश्लोक अहिल्यादेवी होळकर जयंतीनिमित्त ३१ मे रोजी यवतमाळ येथे भव्य शोभायात्रेचे आयोजन

पुण्यश्लोक अहिल्यादेवी होळकर जयंती महोत्सव समितीच्या वतीने आयोजन, हजारोंच्या संख्येने सहभागी होण्याचे जनतेला आवाहन

यवतमाळ : पुण्यश्लोक अहिल्यादेवी होळकर जयंती समितीच्या वतीने यवतमाळ येथे पुण्यश्लोक राष्ट्रमाता अहिल्यादेवी होळकर यांच्या जयंती निमित्त ३१ मे रोजी उत्साहात साजरी करण्यात येणार आहे. यानिमित्त सकाळी ८ वाजता मोटारसायकल रॅलीचे आयोजन करण्यात आलेले आहे. अमोल इंडस्ट्री आर्णी रोड यवतमाळ येथून रॅलीला सुरुवात होऊन शहरातून विविध मार्गांवरून जाऊन पुण्यश्लोक अहिल्यादेवी होळकर यांच्या तैलचित्र, येरावार चौक यवतमाळ येथे समारोप होणार आहे. त्यानंतर सायंकाळी पाच वाजता शोभायात्रा काढण्यात येणार आहे. शोभायात्रेला बचत भवन, दोन पंजे चौक येथून सुरुवात होऊन अहिल्यादेवी होळकर तैलचित्रामार्गे शहरातील विविध भागातून फिरून शोभयात्रेचा समारोप बचत भवन येथे होणार आहे. या कार्यक्रमात समाजबांधव, भगिनी, युवक-युवतींनी पिवळे वस्त्र परिधान करून मोठ्याप्रमाणात सहभागी होण्याचे आवाहन अहिल्यादेवी होळकर उत्सव समिती यवतमाळतर्फे करण्यात येत आहे.