मातोश्री पुणकाबाई वि.जा.भ.ज कला व विज्ञान कनिष्ठ महाविद्यालय मुकुटबन च्या विद्यार्थ्यांचे बारावीच्या परीक्षेत घवघवीत यश

महाविद्यालयाचा बारावीचा ९५.५१% निकाल ,विज्ञान शाखेतून गणेश रामदास लांडे तर कला शाखेतून कु किरण पवन गोंडे प्रथम

झरी:तालुक्यातील मुकुटबन येथील मातोश्री पुणकाबाई वि.जा.भ.ज कला व विज्ञान कनिष्ठ महाविद्यालयाने यशाची परंपरा कायम राखत यावर्षी सुद्धा उच्च माध्यमिक शाळांत परीक्षेमध्ये भरघोश यश संपादन केले असून कनिष्ठ महाविद्यालयाचा निकाल 95.51% लागला.आज जाहीर झालेल्या बारावीच्या निकालात महाविद्यालयाने बाजी मारली असून विज्ञान शाखेतून गणेश रामदास लांडे या विद्यार्थ्यांने 78% घेऊन महाविद्यालयात विज्ञान शाखेतून प्रथम येण्याचा मान मिळविला तर कु गायत्री नंदकिशोर वरारकर याने 70.50%, प्रज्योत विनोद आसुटकर याने 69.83% गुण मिळवून अनुक्रमे द्वितीय व तृतीय क्रमांक पटकावला. तसेच कला शाखेतून कु किरण पवन गोंडे या विद्यार्थीनीने 75.67% गुण प्राप्त करून प्रथम क्रमांक पटकावला तर कु पौर्णिमा मधुकर राऊत हिने 73.50% व कु वैशाली रमेश संडरलावार हिने 70.33% गुण मिळवून अनुक्रमे द्वितीय व तृतीय क्रमांक पटकावला.

जय बजरंग शिक्षण संस्थेचे मानद सचिव सन्माननीय श्री.गणेश भाऊ उदकवार तसेच कनिष्ठ महाविद्यालयाचे प्राचार्य श्री. परचाके सर यांनी सर्व उत्तीर्ण विद्यार्थी व शिक्षक यांचे अभिनंदन केले.