रेल्वे रोको आंदोलन बद्दल रेल्वे स्टेशन प्रबंधक यांना निवेदन

निसर्ग व पर्यावरण मंडळ मुकुटबन यांनी दिले निवेदन

झरी: मुकुटबन हे गाव झरी तालुक्यातील सर्वात मोठे गाव असुन बिर्ला सिमेंन्ट , कोळसा खदानी तसेच डोलोमाईट खदानी व अनेक उद्योगधंदे मुकुटबन परीसरात आहेत . व्यापारी , सामान्य नागरीक , विद्यार्थीवर्ग यांना लांबच्या प्रवासाला मुकुटबनला मोठे रेल्वे स्टेशन आहे परंतु नंदीग्राम व साप्ताहीक गाड्याचा कोणताही थांबा मुकुटबनला नसल्यामुळे नागरीकाचे हाल होताना दिसते .

मुकुटबन रेल्वे अधिकाऱ्यांना रेल्वे थांब्याबद्दल प्रत्येक वेळेला निवेदन देण्यात आले परंतु त्यावर आतापर्यंत कोणताही तोडगा निघाला नाही . म्हणुन आज शेवटी रेल्वे रोको आंदोलन करण्याचे ठरले . यासाठी मुकुटबन रेल्वे स्टेशन प्रबंधक रोशन कुमार व मनोज कुमार यांना निवेदन देऊन जुलै महिन्यांपर्यंत रेल्वे थांबा सुरू नाही झाला तर ऑगस्ट महिन्यात रेल्वे रोको आंदोलन करण्यात येईल .

निवेदन देताना निसर्ग व पर्यावरण मंडळाचे अध्यक्ष व सहयोग ग्रुपचे सदस्य सुरेन्द्र गेडाम, डॉ. नेताजी पारशीने , गजानन गद्दलवार , संदीप धोटे , प्रेमानंद ऐलमावार, गणेश बेलेकर , संतोष देवंतवार , रमेश ऐलपुलवार , प्रभाकर मद्देलवार , मारोती यमजलवार , सुधाकर नरांजे , चितामण पथाडे , रामदास पाझारे , रुपेश ड्यागलवार , प्रियल पथाडे ईत्यादी उपस्थित होते .

रेल्वे स्टेशन प्रबंधक यांनी निवेदन वरीष्ठ रेल्वे अधिकाऱ्यांना पाठवुन मुकुटबन रेल्वे स्टेशन वर नंदीग्राम व साप्ताहीक रेल्वे लवकरात लवकर थांबवू व रेल्वे स्टेशनमध्ये सर्व सोई सुविधा लवकरात लवकर पुर्ण करू असे आश्वसान दिले .