*वर्धा नदीत तिन तरूण बुडाले शोध मोहीम सुरू* *पाटाळा पुलावरील घटना*

*वर्धा नदीत तिन तरूण बुडाले शोध मोहीम सुरू*

पाटाळा पुलावरील घटना

✍️रमेश तांबे

वणी:--वणी येथील काही तरूण महाशिवरात्री निमित्त चंद्रपूर जिल्ह्यातील एका स्थळी फिरण्यासाठी गेले होते परत येत असतांना  सायंकाळी पाच वाजेच्या दरम्यान पाटाळा पुलाजवळ थांबून आंघोळीसाठी पुलाचे खाली उतरले असता त्यात तिन तरूण वाहून गेल्याची घटना ८ मार्च रोजी सायंकाळी पाच वाजेच्या दरम्यान उघडकीस आली ‌.हे तरूण वणी येथील विठ्ठलवाडी परीसरातील रहीवासी असल्याची माहिती मिळाली आहे.संकेत नगराळे, अनिरुद्ध चापले,हर्ष चापले असे वाहून गेलेल्या तरूणाचे नाव आहे.वणी  शहरातील विठ्ठलवाडी परीसरातील १० ते ११ तरूण चंद्रपूर जिल्ह्यातील वरोरा तालुक्यातील भटाळा येथे शिवदर्शनासाठी गेले होते. परत येत असताना वणी वरून १० किलो मिटर अंतरावरील पाटाळा पुलाजवळ पाच वाजता थांबून नदिमध्ये आंघोळीसाठी उतरले होते. त्यातील एक तरूण पाण्यात बुडत असल्याचे लक्षात येताच इतर मित्र त्याला वाचवण्यासाठी मदत करण्यासाठी गेले असता यात तिघेजण वाहून गेल्याची माहिती आहे.त्यातील बाकी मित्र नदिच्या बाहेर आले.घटनेची माहिती मिळताच वणी पोलिस व माजरी पोलिस अधिकाऱ्यां सह घटनास्थळी दाखल होऊन युध्दपातळीवर शोध सुरू केला. पण रात्र झाल्यामुळे शोध मोहीमेला अडचण येत असल्याने शोध मोहीम थांबवून दुसरे दिवशी शनिवारी ९ मार्च रोजी सकाळी शोध मोहीम सुरू केली असता ११ संकेत पुंडलिक नगराळे,व अनिरुद्ध सतिष चाफले या दोघांचा मृतदेह आढळून आला.तर हर्ष चाफले यांचा मृतदेह सायंकाळी सात वाजेपर्यंत मिळून आला नाही. रात्र झाल्यामुळे शोध मोहीम थांबवीन्या आली. संकेत नगराळे यांच्यावर दुपारी चार वाजेच्या दरम्यान वणी येथील स्मशानभूमीची अंत्यसंस्कार करण्यात आले.यावेळी हजारो नागरिक उपस्थित होते.या घटनेमुळे शहरात व परिसरात शोककळा पसरली आहे.