शेतकरी विकास विद्यालय मांगली येथे दहावीच्या विद्यार्थ्यांचा निरोप समारंभ

झरी: तालुक्यातील शेतकरी विकास विद्यालय मांगली  येथे दहावीच्या विद्यार्थ्यांचा निरोप  समारंभ आज दिनांक 22 फेब्रुवारी,2022 रोज गुरुवार ला सम्पन्न झाला.

कार्यक्रमाच्या अध्यक्षस्थानी शाळेचे मुख्याध्यापक श्री. शशांक मुत्यलवार सर तर प्रमुख अतिथी म्हणून श्री .पारखी सर श्री . चिट्टलवार सर श्री. नाकले सर श्री . चामाटे सर श्री . काळे सर उपस्थित होते .प्रास्ताविक विचार चामाटे सर यांनी केले . त्यानंतर विद्यार्थ्यांनी आपली मनोगते व्यक्त केली .

शालेय जीवनात विद्यार्थ्यांवर चांगले संस्कार  शिक्षक सदा करत असतो . त्यांचा सर्वांना आयुष्यात खूप उपयोग होतो . आपण विद्यार्थी सुसंस्कारीत होत असताना शिक्षकांना विसरू नका असे प्रतिपादन श्री . चिट्टलवार सरांनी आपल्या विचारातून मांडले .

जीवनामध्ये यशस्वी होण्यासाठी स्वंय शिस्त,कष्ट व वेळेचे नियोजन गरजेचे असते असे मु . मुत्य लवार सरांनी अध्यक्षीय विचारातून मांडले . सर्व शिक्षकांनी विद्यार्थ्यांना परीक्षेसाठी व भावी जीवनासाठी खूप खूप शुभेच्छा दिल्या .कार्यक्रमाचे सुत्रसंचालन इयत्ता ९वी ची कु .तनवी वाघाडे तसेच आभार प्रदर्शन कु . श्रेया निखार यांनी पार पाडले .कार्यक्रमानंतर स्नेहभोजन पार पडले .कार्यक्रम यशस्वी करण्यासाठी सेवक विनोद भादीकर व जनार्धन काटकर यांचे मोलाचे सहकार्य लाभले .