गळफास घेऊन २५ वर्षीय युवकाची आत्महत्या, मंदर येथील घटन.

वणी:- सध्या वणी उपविभागात आत्महत्येचे प्रमाण मोठ्या प्रमाणात वाढले आहे. काही कारणावरून आत्महत्या करताना दिसत आहेत. अशातच आज सकाळी मंदिर येथे २५ वर्षीय युवकाने राहत्या घरी गळफास लावून आत्महत्या केल्याची घटना उघडकीस आली. 

उमेश प्रकाश पेंदाने वय २५ वर्ष रा.मंदर पो. स्टे. वणी यांनी आज दि.१०/०२/२०२४ ला सकाळी आपल्या राहत्या घरी सिलींग फॅनला नायलॉन दोरीच्या सहाय्याने गळफास लावून आपली जीवन यात्रा संपवली ही बाब घरच्या मंडळींना लक्षात आली असता त्यांनी तात्काळ पो. स्टे. वणी यांना कळविले पोलीसांनी घटनास्थळी जाऊन पंचनामा करून मृतदेह उत्तरीय तपासणीसाठी आज दुपारी ग्रामीण रुग्णालय वणी येथे दाखल केला असुन

सदर मॄतदेहाचे शवविच्छेदन होवून उमेश चा मॄतदेह  नातेवाईकांच्या ताब्यात देण्यात आला. उमेश हा इन्डो कोलवाशरीत कामाला होता. त्याने  एवढ्या कोवळ्या वयात आत्महत्या सारखे टोकाचे पाऊल का उचलले हे अजूनही अनुत्तरित आहे.

पुढील तपास वणी पोलिस करीत आहेत.