28 नोव्हेंबर ला महावितरण कंपनी च्या विरोधात मारेगाव तहसिलवर मनसे चा भव्य झटका मोर्चा

मनसे नेते राजू उंबरकर यांच्या नेतृत्वात मार्डी चौक ते तहसील कार्यालय मारेगाव निघणार मोर्चा

मारेगाव: महाराष्ट्र राज्य महावितरण कंपनीच्या मुजोर आणि ढेपाळलेल्या  कारभारामुळे मारेगाव तालुक्यातील शेतकऱ्यांचे उभे असलेले पीक जळून जात आहे.  त्याचबरोबर सामान्य जनतेला सुद्धा मोठ्या प्रमाणात नाहक त्रास सहन करावा लागत आहे.  यामुळे हा कारभार व्यवस्थित होऊन शेतकऱ्यांसह सर्वसामान्यांना मुबलक व सुरळीत वीज पुरवठा व्हावा याकरिता महाराष्ट्र नवनिर्माण सेना मारेगाव तालुका यांच्या वतीने मनसेचे नेते राजुभाऊ उंबरकर यांच्या उपस्थितीत  महाराष्ट्र राज्य महावितरण कंपनीच्या विरोधात मंगळवार दिनांक २८ नोव्हेंबर २०२३ रोजी सकाळी ११.०० वाजता भव्य झटका मोर्चा चे आयोजन करण्यात आले आहे. तरी तालुक्यातील सर्व शेतकऱ्यांनी व गावकऱ्यांनी या मोर्चात सहभागी होऊन महाराष्ट्र राज्य महावितरण कंपनीच्या  विरोधी आपला रोष व्यक्त करावा असे आवाहन मनसे तर्फे करण्यात आले आहे.सदर मोर्चा हा मार्डी चौक ते तहसिल कार्यालय, मारेगाव असा निघणार आहे.मोर्चा विषयी अधिक माहितीसाठी शिवमुद्रा जनसंपर्क कार्यालय, नांदेपेरा रोड, वणी मो.9689011112 येथे सम्पर्क करावा.