धनगर समाजाच्या अनुसूचित जमातीच्या आरक्षणाची त्वरित अंमलबजावणी करण्यात यावी तसेच समाजाची दिशाभूल करण्याचे षडयंत्र शासनाने बंद करावे

तहसीलदार,तहसील कार्यालय मारेगाव मार्फत मा मुख्यमंत्री महाराष्ट्र राज्य यांना मारेगाव तालुक्यातील सकल धनगर समाजाचे निवेदन

मारेगाव: महाराष्ट्र राज्यात धनगर समाजाच्या अनुसुचित जमातीच्या आरक्षणाची  अंमलबजावणी त्वरित करण्यासाठी तसेच सतत शासनाकडून समाजाची दिशाभूल करण्यासाठी जे षडयंत्र रचल्या जात आहे ते बंद करण्यासाठी राष्ट्रमाता, पुण्यश्लोक अहिल्यादेवी होळकर यांचे जन्मस्थळी चौंडी येथे धनगर बांधवांनी आमरण उपोषण केले तेव्हा सदर उपोषण सोडतेवेळी सरकारने धनगर समाजाला पन्नास दिवसांत आरक्षण प्रश्न निकाली काढण्याचे अभिवचन दिले होते. पन्नास दिवसात निवृत्त न्यायाधिशाच्या अध्यक्षतेखाली एक समिती नेमुन ज्या चार राज्यांनी धनगरांना शासन निर्णयाद्वारे अनुसुचित जमातीचे आरक्षण दिले त्या चार राज्याचा सदर समिती भेट देवुन, अभ्यास करून महाराष्ट्रात धनगरांना शासन निर्णय काढुन एसटी आरक्षण अंमलबजावणी करण्याचे अभिवचन दिले होते. परंतु शासनाने दिलेला पन्नास दिवसाचा अवधी संपुन वरिलप्रमाणे शासनाने दिलेला शेद फिरविल्याने व सदर अवधीत काहीही प्रयत्न केल्याचे दिसत नसल्याने धनगर समाजात शासनानं महाराष्ट्रातील धनगर समाजाची घोर फसवणूक केल्याचे निदर्शनास येते. तेव्हा धनगरांचा विश्वासघात

करणाऱ्या या शासनाचा निषेध करण्यात येत असुन ताबडतोब महाराष्ट्र राज्यात धनगरांना अनुसुचित जमातीचे आरक्षण अंमलबजावणी करण्यात यावी. अन्यथा राज्यात धनगर समाज यापुढे तिव्र आंदोलन  करण्याचे मनःस्थितीत असुन त्यास सर्वस्वी महाराष्ट्र शासन जबाबदारराहील तेव्हा शासनाने या बाबीची दखल घेवुन त्वरीत अंमलबजावणी करावी अशा न्यायदत्त मागणीसाठी मारेगाव तालुक्यातील सकल धनगर समाजाच्या वतीने तहसीलदार, तहसील कार्यालय, मारेगाव यांच्या मार्फत मा मुख्यमंत्री महाराष्ट्र राज्य यांना निवेदन देण्यात आले.यावेळी महाराणी अहिल्यादेवी समाज प्रबोधन मंच मारेगाव चे तालुकाध्यक्ष आशिष साबरे सर, धनगर समाज संघर्ष समिती मारेगावचे तालुकाध्यक्ष अतुल बोबडे, माणिक पांगुळ, संजय काळे, प्रवीण लोंढे सर, संजय लोंढे सर, अरविंद वखनोर, पवन आसकर, मंगेश साबरे, बंडूजी उराडे, महेंद्र बोधे इत्यादी समाज बांधव उपस्थित होते.