वाहतूक महिला कर्मचाऱ्यांनी केलेल्या धैर्या बद्दल उपविभागीय पोलिस अधिकारी यांनी केला सत्कार.

वणी:- दिनांक २६ सप्टेंबर रोजी वाहतूक नियंत्रण उपशाखा वणी अंतर्गत वणी शहरातील साई मंदिर चौक येथे एका चायनीज दुकानात सिलेंडर लीक झाल्यामुळे स्टॉलला सायंकाळी ६ वाजेच्या  दरम्यान अचानक आग लागली सदर दुकानाचे आजूबाजूला २ बँक, साई मंदिर, हॉटेल, जैताई मंदिर व इतर छोटे मोठे भरपूर दुकाने व मोठी बाजारपेठ असल्याने सदर आग वाढली असती तर आजूबाजूचे परिसरात मोठे नुकसान झाले असते. अशा परिस्थितीत वेळेस नमूद ठिकाणी वाहतूक नियंत्रण उपशाखा वणी येथील वाहतूक नियमन करणे करिता कर्तव्यावर असलेल्या वाहतूक अंमलदार मपोशी/अनुराधा वासाडे ब.नं. ४७७ यांनी वेळीच समय सूचकता व प्रसंगावधान राखून  घटनास्थळावरून समोर असलेल्या स्टेट बँकेत जाऊन उपलब्ध असलेल्या अग्निशामक यंत्र आणून धैर्य दाखवून स्वतः जिवाची बाजी लावून त्या आगीवर वेळीच नियंत्रण मिळविले. नमूद घटनेत चायनीज स्टॉल वाल्या दुकानदाराच्या हाताला थोडीशी इजा झाली असून स्टॉल संपूर्ण जळाले.मपोशी/अनुराधा वासाडे ब.नं. ४७७ यांनी आगीवर वेळीच नियंत्रण मिळविल्याने खूप मोठा अनर्थ टळला.

तीच्या या धैर्याची शहरात प्रशंसा केली जात आहे. तिच्या या कार्या बद्दल उपविभागीय पोलिस अधिकारी गणेश किंन्द्रे यांनी त्या  महिला कर्मचाऱ्यांना बक्षिस देऊन सन्मान पत्र दिले.